As testemuñas de Xehová guiámonos polas ensinanzas bíblicas sobre o matrimonio e o divorcio. Segundo a Biblia, Deus instituíu o matrimonio como unha unión permanente entre un home e unha muller. A única razón pola que a Biblia admite a posibilidade de divorcio é que un dos cónxuxes teña relacións sexuais fóra do matrimonio (Mateo 19:5, 6, 9).

Axudan as testemuñas de Xehová ós matrimonios con problemas?

 Si, de varias maneiras:

•   Publicacións. Moitas das nosas publicacións ofrecen consellos que axudan a fortalecer os matrimonios, incluso os que parece que xa non se poden arranxar. Por exemplo, podes ler os artigos “Cómo fortalecer el sentido del compromiso en el matrimonio”, “Cómo perdonar” e “Cómo recuperar la confianza perdida”.

•   Reunións. Nas nosas reunións e congresos analizamos consellos prácticos da Biblia para o matrimonio.

•   Anciáns. Os anciáns, ou responsables das congregacións, proporcionan axuda personalizada ós cónxuxes repasando con eles pasaxes da Biblia como o de Efesios 5:22-25.

Se unha testemuña de Xehová quere divorciarse, teñen que aprobalo os anciáns?

 Non. Aínda que unha parella lles pida axuda, os anciáns non teñen dereito a dicirlles o que deben facer (Gálatas 6:5). Agora ben, se alguén decide divorciarse por unha causa diferente á que admite a Biblia, non cumpriría os requisitos bíblicos para volver casar (1 Timoteo 3:1, 5, 12).

Que pensan da separación as testemuñas de Xehová?

 A Biblia recoméndalles ós cónxuxes que sigan xuntos aínda que a situación non sexa a ideal (1 Corintios 7:10-16). Os consellos bíblicos, o amor e a oración poden axudar ó matrimonio a resolver moitos problemas (1 Corintios 13:4-8; Gálatas 5:22).

 Non obstante, é posible que algún cristián decida separarse do seu cónxuxe nas seguintes situacións excepcionais:

•   Negativa a manter a familia (1 Timoteo 5:8).

•   Violencia física extrema (Salmo 11:5).

•   Imposibilidade de participar nas actividades cristiás. Por exemplo, un dos cónxuxes podería decidir que a separación é a única forma de “obedecer a Deus antes cós homes” se o outro intenta obrigalo a desobedecer algunha norma ou mandato de Deus (Feitos 5:29).