Ir ó contido

Ir ó menú secundario

Ir ó índice

Testemuñas de Xehová

Galego

A túa familia pode ser feliz

 SECCIÓN 3

Como resolver os problemas

Como resolver os problemas

“Esforzádevos no amor duns ós outros, porque o amor tapa moitos pecados” (1a Pedro 4:8)

É normal que xurdan problemas ó empezar a vosa vida como matrimonio. Quizais sexa debido a diferenzas na forma de pensar ou de sentir, ou pola maneira de ver a vida. Mesmo tal vez aparezan por mor de asuntos alleos á familia ou por sucesos imprevistos.

Tal vez pensedes que o mellor sería pechar os ollos á realidade, pero a Biblia aconséllanos que fagamos fronte ós nosos problemas (Mateo 5:23, 24). Nela atoparedes principios que vos servirán para solucionar os vosos problemas da mellor maneira.

 1 FALADE DO PROBLEMA

QUE DI A BIBLIA? “Hai un tempo [...] para falar” (Eclesiastés 3:1, 7). Asegurádevos de dedicar tempo dabondo a falar do problema. Exponlle con franqueza á túa parella o que pensas e o que sintes sobre o asunto; dille sempre a verdade (Efesios 4:25). Mesmo cando haxa sentimentos profundos envoltos, non rifedes. Falar de maneira tranquila impedirá que a conversación se convirta nunha liorta (Proverbios 15:4; 26:20).

Non hai que perder a calma, incluso se non estás de acordo en algo. Lembra que tes que mostrar cariño e respecto á túa parella (Colosenses 4:6). Tratade de resolver os problemas o antes posible, e non deixedes de falarvos (Efesios 4:26).

QUE PODES FACER?

  • Buscade un momento apropiado para tratar o problema.

  • Cando che toque escoitar, non interrumpas. Xa che tocará.

 2 ESCOITA E SÉ COMPRENSIVO

QUE DI A BIBLIA? “Sede cariñosos uns cos outros, coma irmáns; competide na estima mutua” (Romanos 12:10). A maneira en como escoitas é moi importante. Trata de entender o punto de vista do teu cónxuxe, comprendendo os seus sentimentos de “xeito humilde” (1a Pedro 3:8; Santiago 1:19). Non finxas que estás escoitando. Sempre que poidas, deixa o que estás a facer e dedícalle toda a túa atención ó teu cónxuxe; se non fose posible, pregúntalle se poderiades falar máis tarde. Se pensas que a túa parella é o teu compañeiro de equipo e non o teu opoñente, ‘non te alporizarás axiña’ (Eclesiastés 7:9).

QUE PODES FACER?

  • Aínda que o que escoites non che guste, segue prestando toda a túa atención.

  • Mira máis alá das palabras. Fíxate nos xestos e no ton da voz da túa parella.

3 REMATADE O QUE EMPECEDES

QUE DI A BIBLIA? “Todo traballo ten o seu proveito, mais o parolar leva á miseria” (Proverbios 14:23). Chegar a un acordo non é suficiente. Tedes que levar a cabo o que ámbolos dous decidades. Quizais teñades que esforzarvos moito, pero ben paga a pena (Proverbios 10:4). Se traballades xuntos coma un equipo, ‘tiraredes bo proveito do traballo de entrambos’ (Eclesiastés 4:9).

QUE PODES FACER?

  • Decidide o que fará cada un para resolver o problema.

  • De vez en cando, evaluade o voso progreso.