PREGUNTA 7
Que predixo a Biblia sobre os nosos días?
“As nacións loitarán unhas contra outras e os reinos pelexarán uns contra outros [...]. Todas estas cousas son o principio de grandes sufrimentos”.
“Aparecerán moitos profetas falsos que enganarán a moita xente e, ó aumentar a maldade, apagarase o amor da maioría”.
“Cando oiades o ruído de guerras que están cerca e escoitedes noticias de guerras que están lonxe, non vos alarmedes, porque estas cousas teñen que suceder, pero aínda non é o fin”.
“Haberá grandes terremotos, e fame e epidemias en moitos lugares. Veranse cousas terribles e grandes sinais do ceo”.
“Nos últimos días virán tempos críticos e difíciles de soportar. Porque as persoas só se amarán a si mesmas, amarán os cartos, serán fanfarronas, arrogantes, blasfemas, desobedientes ós pais, desagradecidas, desleais, non terán cariño natural, non estarán dispostas a chegar a ningún acordo, serán calumniadoras, non terán autocontrol, serán feroces, non amarán o que é bo, serán traidoras, cabezonas, estarán cheas de orgullo, amarán os praceres en vez de a Deus e aparentarán ter devoción a Deus, pero en realidade non vivirán de acordo con esa devoción”.
