Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 92:1-15

KABWARABWARAANI KANOANA

  • E karietataaki Iehova n aki toki

    • Ana mwakuri aika korakora ao ana iango aika nano (5)

    • “A na maiureirei akana raoiroi n aron te aroka” (12)

    • A na teimatoa ni maiureirei kaara (14)

Te areru. Te anene ibukin te bongi n Taabati. 92  E raoiroi te kakaitau nakon Iehova,+Ao te anene n neboa* aram, ngkoe Teuare Moan te Rietata,   Bwa e na tataekinaki n te ingabong am tangira ae koaua*+Ao n taian tairiki, am kakaonimaki,   E na raonaki n te bwai ni katangitang ae tebwina karaina ao te raea,*Ma tangitangin te abi ae tangiraoi.+   Bwa ko kakimwareireiai ngkoe ae Iehova, ibukin am mwakuri,I takarua ni kimwareirei ibukin ana mwakuri baim.   Ai korakorara am mwakuri ngkoe ae Iehova!+ Ao ai nanora am iango!+   Akea te aomata ae ronnano ae kona n atai,Ao akea te aomata ae nanobaba ae kona n ota n aei:+   Ngkana a bwebwerake akana buakaka n aron taian titania,*Ao ngkana a bane ni maiureirei taani kakaraoa ae bure,Ao bukin anne, bwa a na boni kamaunanakoaki n aki toki.+   Ma ko karietataaki n aki toki, ngkoe ae Iehova.   Ao bon taraa konaakia akana kairiribai nakoim ngkoe ae Iehova,Tarai aroia ni mauna akana kairiribai nakoim,A na bane ni kamaenakoaki taani kakaraoa ae bure.+ 10  Ma ko na karietataa korakorau* n aroni korakoran te kao mwaane ae moaanti,N na kamaratoa kuniu n te bwaa ae boou.+ 11  Ao matau a na taraiia akana kairiribai nakoiu ngkana a a taenikai,+Ao taningau a na ongo taekani bwakaia aomata aika buakaka aika ekainako. 12  Ma a na maiureirei akana raoiroi n aron te aroka ae te baam,Ao a na rikirake ni bubura n aron te kai ae te tiira are i Rebanon.+ 13  A unikaki n ana auti Iehova,A maiureirei n ana katawanang Atuara.+ 14  E ngae naba ngkana a kara* ma a na teimatoa n rikirake,+A na teimatoa ni korakora* ao ni maiureirei,+ 15  N tataekina ae e raoiroi Iehova. Bon au Bwaa,+ ae akea te buakaka irouna.

Taiani Kabwarabwara Mai Nano

Ke, “katangitang nakon.”
Ke, “tangira ae kona n onimakinaki.”
Te aeka ni bwai ni katangitang ae iai karaina.
Ke, “te uteute.”
Ebera, “korou.”
Ke, “n tain te iaia.”
Ebera, “marika.”