Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 58:1-11

KABWARABWARAANI KANOANA

  • Iai te Atua ae motika taekan te aonnaba

    • Te tataro ni katuuaaeia aika buakaka (6-8)

Te kaetieti nakon te mataniwi n te anene ae “Tai Kamauna.” Ana areru Tawita. Mikitam.* 58  Kam kona n taekina taekan te raoiroi ngkana kam kainabwabu?+ Kam kona ni motikitaeka n te eti ngkami aika natiia aomata?+   Kam aki, ma kam karioi baika buakaka i nanomi,+Ao kam karokoa te iowawa ni baimi n te aba.+   A a kaman rairakinako* akana buakaka mangke a bungiaki.* Bon aomata aika titibanako, taani kewe man te tai are a bungiaki iai.   Titeboo aia taeka ma aia boitin naeta,+A bonotaninga n aron te naeta ae te kaobura ae bonotii taningana.   E na aki ongo ni bwanaaia taani kabaea te nano,N aki ongei kakain aia tabunea.   Kamrarai wia, ngkoe ae te Atua! Otei mwangaia raian aikai, ngkoe ae Iehova!   Ke a mauna n ai aron te ran ae raanganako. Ao ke E kabwaoua ana kainikatebe ao ni kabwakaia ni kanoan ana kainikatebe.   Ke a riki n ai aron te tineeri* ae e a tabe n ran ngkana e mwananga. A na bon aki nora taai n aron te teei ae bungiaki ni mate.   Imwain ae a rotaki am bwaata ni kuuka ni kabuebuen te ai man aroka aika kateketeke,Ao ane e na ukiinako mwaanga aika maiu ao aika bue te Atua, n aron te angibuaka.+ 10  E na kimwareirei te aomata ae raoiroi ibukina bwa e a tia n nora karekeani kaia akana buakaka.+ A na maratingo waena n raraaia.+ 11  Ao ane a na kangai aomata: “Bon iai kaniwangan te aomata ae raoiroi.+ Ao bon iai te Atua ae motikitaeka n te aonnaba.”+

Taiani Kabwarabwara Mai Nano

Ke, “buakaka.”
Ebera, “man te biroto.”
Te tineeri bon te man ae uarereke ae abwabwaki teutana rabwatana ao e maraurau ao akea rangana, ao iai nanana ae minominotaki. E rangi n aau ni mwananga.