Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 48:1-14

KABWARABWARAANI KANOANA

  • Tion bon ana kaawa te Uea ae Kakannato

    • Kimwareirein te aonnaba (2)

    • Nenera te kaawa ma tauana (11-13)

Te anene. Aia areru natini Kora+ aika mwaane. 48  E kakannato Iehova ao e riai ni karaoiroakiN ana kaawa Atuara, n ana maunga ae tabu.   E tamaroa n rietatana, ao boni kimwareirein te aonnaba ni kabutaa,+Anne aron te Maunga ae Tion n te tabo ae raroa i meang,Ae ana kaawa te Uea ae moan te Kakannato.+   I nanon tauan neiei aika nonoaki,Ao e kaotia te Atua bwa boni ngaia te tabo ni kamanomano ae mano raoi.*+   Bwa noria! a ikotaki* ueea,Ao a ikotaki ni mwananga.   Ngke a nora te kaawa, ao a miroaroa. A nako nanoia ao a birinako ma te maakunrang.   A taonakinako n te rurubenebene ikanne,Ao a maraki n aroni marakin te aine ae bung.   Ko urubekebekei kaibuken Taretiti n te angimainiku.   Ti a nora raoi ngkai te baere ti ongo taekana,N ana kaawa Iehova ae Atuaia taanga ni buaka,* n ana kaawa Atuara. E na kateia te Atua ni kateimatoa n aki toki.+ (Tiera)   Ngkoe ae te Atua, ti iaiangoa raoi am tangira ae koaua*+I nanon am tembora. 10  N aron aram ngkoe ae te Atua, ao ai aron naba karaoiroam,Ae rokoroko i tabon nako aonnaba.+ E on angaataim n te raoiroi.+ 11  E bia kakatonga te Maunga ae Tion,+Ao a bia kimwareirei kaawan* Iuta, ibukin am motikitaeka.+ 12  Mwaati ni katobibia Tion, mwananga ni katobibia ni kabutaa,Ao wareki taua ake iai.+ 13  Iangoi raoi oona aika matoatoa,+Ao neneri taua ake iai aika nonoaki,*Bwa ko aonga n taekinna nakoia rooro aika a na roko. 14  Bwa te Atua aei bon Atuara+ n aki totoki,E na kairirira n aki toki.*+

Taiani Kabwarabwara Mai Nano

Ke, “te tabo ae rietata ae mano raoi.”
Ke, “a kaitiboo n te botaki ae baireaki.”
Ke, “Tabaota.” Nora Nanon Taeka.
Ke, “tangira ae kona n onimakinaki.”
Ebera, “naati aine.”
Ke, “oona aika nonoaki.”
Ke tao, “ni karokoa matera.”