Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 43:1-5

KABWARABWARAANI KANOANA

  • E kakamaiu te Atua ae te tia Moti

    • “Kaotinakoa am oota ao am koaua” (3)

    • “E aera ngkai e a bwara nanou?” (5)

    • “Kantaningaa te Atua” (5)

43  Motika taekau ngkoe ae te Atua,+Teei ibukiu n au tangitang,+ ni kaitaraa te natannaomata ae aki kakaonimaki ni koaua. Kamaiuai mairoun te aomata ae mwamwanaa te aba ao e buakaka.   Bwa bon Atuau ngkoe, ae au tabo ni kamaiu.+ E aera ngkai ko teweainako? E aera ngkai I riai n nakonako ma te nanokawaki, ibukin ana karawawata ane e kairiribai nakoiu?+   Kaotinakoa am oota ao am koaua.+ Ke a kairirai baikai,+Ke a kairai nakon am maunga ae tabu, ao nakon am umwanrianna ae tabu* ae kakannato.+   Ao N na nakon ana baonikarea te Atua,+Nakon te Atua ae nibwani kimwareireiu ae bati. Ao N na karaoiroiko n te abi,+ ngkoe ae te Atua ae Atuau.   E aera ngkai e a bwara nanou? E aera ngkai e a mena te kiriwe aei i nanou? Kantaningaa te Atua,+Bwa N na karaoiroia bwa au tia Kamaiu ae Moan te Kakannato ao Atuau.+

Taiani Kabwarabwara Mai Nano