Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 32:1-11

KABWARABWARAANI KANOANA

  • A kukurei aika kabwaraaki aia bure

    • “I a kaota au bure nakoim” (5)

    • E anganiko te ataibwai te Atua (8)

Ana areru Tawita. Matikiera.* 32  E a kukurei ane e kabwaraaki ana bure, ao e rabunaki* ana kairua.+   E a kukurei te aomata ae aki bukinaki n te bure iroun Iehova,+Ao ae akea te kani mwamwanaa te aba i nanona.   Ngkana I teimatoa ni kainabwabu ao a kanakinako riiu ibukini ngirangirau ni kabongnga.+   Bwa e tinebu baim* i aou n te ngaina ao n te bong.+ E buanerake korakorau* n ai aron te ran n te mwautakataka n tain te kabuebue ae korakora. (Tiera)   N tokina ao I a kaota au bure nakoim,+I aki karabaa au kairua. I taku: “N na kaotii au bure nakon Iehova.”+ Ao ko kabwarai au kairua ma au bure.+ (Tiera)   Aei bukina ae a na bane iai n tataro nakoim akana kakaonimaki ni koaua+Ngkai ko kona n reke.+ Ao ane e na aki naba kona te ieka ae te ran n rota teuanne.   Bon au tabo ni karaba ngkoe,Ao ko na kawakinai man te rawawata,+Ko na otabwaniniai ma te takarua ni kimwareirei ibukin te kamaiu.+ (Tiera)   Ko kangai: “N na anganiko te ataibwai ao N na reireiniko te kawai ae ko riai n nako iai.+ N na anganiko taeka n reirei ao e na memena naba matau i aom.+   Tai riki n ai aron te aoti ke te miure ae aki ataibwai,+Ae e riai n tauaki arona n te bwe ke te bwai ni kabaebaeAo ngkanne e a tibwa kona ni kaaniko.” 10  A mwaiti marakia akana buakaka,Ma e otabwaniniaki ane e onimakina Iehova n Ana tangira ae koaua.*+ 11  Kakatonga iroun Iehova ao kimwareirei ngkami aika kam raoiroi,Ao takarua ni kimwareirei ngkami ni kabane aika a eti nanomi.

Taiani Kabwarabwara Mai Nano

Ke, “kabwaraaki.”
Ke, “aki kukureim.”
Ke, “E a bitaki ranin maiuu.”
Ke, “tangira ae kona n onimakinaki.”