Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 148:1-14

KABWARABWARAANI KANOANA

  • A na bane karikibwai ni karaoiroa Iehova

    • “Karaoiroia ngkami ni kabane aika ana anera” (2)

    • ‘Karaoiroia ngkoe ae taai, namwakaina, ao itoi’ (3)

    • A na karaoiroa te Atua ataei ao kaara (12, 13)

148  Karaoiroa Iah!* Karaoiroa Iehova mai karawa,+Karaoiroia n te tabo ae rietata.   Karaoiroia ngkami ni kabane aika ana anera.+ Karaoiroia ngkami ni kabane aika ana taanga ni buaka.+   Karaoiroia ngkoe ae taai ao namwakaina. Karaoiroia ngkami ni kabane aika itoi aika kam ootanako.+   Karaoiroia ngkoe ae karawa ae moan te rietata,*Ao ngkami raan aika i etani karawa.   A bia karaoiroa aran Iehova,Bwa e tua ao a bane n riki.+   E kateiia ni kamatoaia n aki totoki,+Ao e anga te tua ae e na aki kona ni maunanako.+   Karaoiroa Iehova man te aonnaba,Ngkami aika manin marawa aika totoa ao raan ni kabane aika makuakua,   Ngkoe ae te iti ma te karau ae te aiti, te tino ao naang aika matenten,Ngkoe ae te angibuaka ae uouota ana taeka,+   Ngkami aika maunga ao ngkami ni kabane aika taian tabuki,+Ngkami aika kainnamwarake ao ngkami ni kabane aika kaai aika tiira,+ 10  Ngkami aika maan aika moaanti+ ao ngkami ni kabane aika maan aika manana,Ngkami aika maan aika kawakawa ao mannikiba, 11  Ngkami aika uean aonnaba ao ngkami ni kabane aika natannaomata,Ngkami aika natinuea mwaane ao ngkami ni kabane aika taani moti n te aonnaba,+ 12  Ngkami aika rorobuaka n ataei ao ateiaine,*Ao unimwaane ma ataei ni kabane.* 13  A bia karaoiroa aran Iehova,Bwa bon tii arana ae rietata ae akea ae e kona n rotia.+ E mena mimitongina i etan te aonnaba ma karawa.+ 14  E na karietatai korakoraia* ana aomata,Ibukin aia karaoiroi ana aomata ni kabane aika kakaonimaki ni koaua,Ake tibun Iteraera, ake aomata ake a kaan ma ngaia. Karaoiroa Iah!*

Taiani Kabwarabwara Mai Nano

Ke, “Areruia!” “Iah” boni kauarerekean te ara ae Iehova.
Ebera, “karawani karawa.”
Ebera, “aine aika tuai ni boo ma mwaane.”
Ke, “kaara n ikotaki ma ataei.”
Ebera, “koroia.”
Ke, “Areruia!” “Iah” boni kauarerekean te ara ae Iehova.