Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Areru 141:1-10

KABWARABWARAANI KANOANA

  • Tataroan te kamanomano

    • “E bia riki au tataro bwa ai aron te bwai ae boiarara” (2)

    • Te boaaki iroun ane e raoiroi ai aron te bwaa (5)

    • A bwaka akana buakaka n oin aia karaun (10)

Ana anene Tawita. 141  I weweteiko ngkoe ae Iehova.+ Bareiko ni buokai.+ Ao kakauongo ngkana I weteiko.+   E bia riki au tataro bwa ai aron te bwai ae boiarara+ ae katauraoaki i matam,+Ao baiu aika tabekakirake bwa ai aron te karea ae te amwarake* n te tairiki.+   Buokai n tararuaa wiu, ngkoe ae Iehova,Ao buokai ni kawakin riau.+   Tai kariaia bwa e na anaaki nanou nakon te bwai teuana ae buakaka,+Ao n uataboi aia mwakuri aika rangi ni bubuaka mwaane aika buakaka,Ao I bia aki katoong aia amwarake aika kangkang.   Ngkana e oreai te aomata ae raoiroi, ao bon te mwakuri ae kaota te tangira ae koaua,*+Ngkana e boaai, ao ai aron te bwaa i aon atuu,+Ae e na aki rawa nako iai atuu.+ E na teimatoa naba au tataro i nanon taini karawawataaia.   E ngae ngkana a karenakoaki aia tia moti man te bwaa ae katati,Ma a na boni mutiakin naba au taeka aomata, bwa a kakukurei.   N aron te aomata ngkana e kamaraua te tano ma ni katabwenaa,Ao ai aron naba riira ae kamaeinikunaki i matan te Ruanimate.*   Ma a tarataraiko matau, ngkoe ae Iehova ae te Uea ae Moan te Rietata.+ I karikiko bwa au tabo ni kamanomano. Tai uotaanako maiuu.*   Kamanoai mani mwangain te bwai ni kamwane are a kawenea imwaiu,Ao man aia kai ni kabwaru taani kakaraoa ae buakaka. 10  A na bwaka akana buakaka ni kabane nako nanon oin aia karaun,+Ao ngai, I rirarikini baikai n akea au kangaanga.

Taiani Kabwarabwara Mai Nano

Ke, “te karea ae te koraa.” Nora Nanon Taeka.
Ke, “tangira ae kona n onimakinaki.”
Ke, “Tiore,” ae taekan ruanimaten te botannaomata. Nora Nanon Taeka.
Ebera, ne’phesh, nora Nanon Taeka.