Nakoni kanoana

Skip to secondary menu

Kiiba nakoni kanoana

Ana Tia Kakoaua Iehova

Kiribati

Te Baibara n te Intanete | TE BAIBARA AE TABU-TE RAIRAI AE TE AONNABA AE BOOU (MANGA RINANOAKI N 2013 )

Amota 8:1-14

KABWARABWARAANI KANOANA

  • Te miitara ae te bwaene ma uaanikai (1-3)

  • A kabuakakaaki taani karawawata (4-14)

    • Te rongo ni kan ataa ana taeka te Atua (11)

8  Aio te bwai ae e kaotia nakoiu te Uea ae Moan te Rietata ae Iehova n te miitara: Noria! Iai te bwaene ae kanoana te uaanikai ae reke n tain te kabuebue.  Ao e taku, “Tera ae ko noria Amota?” I kaeka ni kangai, “Te bwaene ae kanoana te uaanikai ae reke n tain te kabuebue.” E taku ngkanne Iehova nakoiu: “A a roko n tokia au aomata aika tibun Iteraera. N nang aki manga kabwarai aia bure.+  ‘A na bitaki anenen te tembora nakon te tanginiwenei n te bong anne,’+ bon ana taeka te Uea ae Moan te Rietata ae Iehova. ‘A na bati rabwataia maate aika a na karenakoaki n taabo nako.+ Tai karongoa!’   Ongora n aei, ngkami aika kam toubekaiia akana maiu ni kainnano,Ao ngkami aika kam karokoia n tokia akana nimamannei aika n te aba,+   Ao ngkami aika kam kangai, ‘E na toki n ningai te toa ibukin te oti n namwakaina,+ bwa ti aonga ni kaboonakoi ara uita,*Ao te bongi n Taabati+ bwa ti aonga n anga te uita bwa a na kabooaki? N te aro anne ao ti a kona ni kauarerekea riki te bwai ni baire ae te eba*Ao ni katinebua riki te bwai n tau rawawata ae te tiekera,*Ni kaburei ara kainikatine aika mwamwanaa te aba,+   Bwa ti aonga ni kabooia akana kainnano n te tirewa,Ao akana maiu ni kainnano ni kaau aika uoua,+Ao ni kaboonakoa te uita ae akea manenana.’   E a tia Iehova are ana bwai ni kamoamoa Iakoba+ n taetae n tuea i bon irouna ni kangai,‘I aki kona ni mwaninga aia mwakuri ni kabane.+   Ibukin aei ao e na mwaeiei te aba,*Ao a na nanokawaki kaaina ake iai ni kabane.+ Tiaki e na bane n iabutirake n aron te Naire,Ao e na raanga ao n ikinako n aron te Naire are i Aikubita?’+   ‘N te bong anne,’ bon ana taeka te Uea ae Moan te Rietata ae Iehova,‘N na kabunga taai n te tawanou,Ao N na karooa te aba n te ngaina ae oota.+ 10  N na bitii ami toa nakon te nanokawaki+Ao ami anene ni kabane nakoni kuuna aika kananokawaki.* N na kaaki te raerobwa* i aoni bebee ni kabane ao a na imanaki atu ni kabane,N na karaoia bwa kaanga te nanokawaki ibukin te nati te mwaane ae te rikitemanna,Ao tokina kaanga ai aron te bong ni karawawata.’ 11  ‘Noria! A a roko boong,’ bon ana taeka te Uea ae Moan te Rietata ae Iehova,‘Ike N na kanakoa iai te rongo nako aon te aba,Ae tiaki te rongo n te amwarake ke te taka n te ran,Ma te rongo ni kan ongo ana taeka Iehova.+ 12  A na turatura man taari teuana nakon taari teuana,Ao mai meang nako mainiku.* A na tiotionako n ukoukora ana taeka Iehova, ma e na aki reke irouia. 13  N te bong anne, ao a na tong ataeinnaine aika baaraoi aika tuai ni boo ma mwaane,Ao rorobuaka n ataei naba, ibukin te bora n taka. 14  Te koraki ake a taetae n tuea n ana bure Tamaria,+ ao ake a kangai,“Ngkai e boni maiu atuam, ngkoe ae Tan!”+ Ao “Ngkai e boni maiu kawaini Beerateba!”+ A na bwaka, ao a na aki manga teirake.’”+

Taiani Kabwarabwara Mai Nano

Ke, e kona n nanona “te baare.”
Ke, “te aonnaba.”
Ke, “anene n tanginiwenei.”
Nora Nanon Taeka.
Ke, “otin taai.”