Alé annan ròt enformasyon

Alé annan sou-méni-a

Témwen Jéova-ya

Kréyòl gwiyanè

Ès sé soufrans-ya ké fini roun jou?

Ès sé soufrans-ya ké fini roun jou?

Ès ou té ké di...

  • wi?

  • non?

  • pétèt?

 SA LABIB-A KA DI

« Bondjé... ké swiyé tout larm di yé zyé, i pa ké gen lanmò ankò, ni dèy, ni kri, ni doulèr » (Révélation 21:3, 4).

SANS SA POUVÉ GEN POU OU

Garanti ki Bondjé pa sa sours di nou problèm (Jacques 1:13),

Konsolasyon di savé sa Bondjé ka rousanti pou nou lò nou ka soufri (Zekaria 2:8),

Èspwar ki tout soufrans ké fini (Psaume 37:9-11).

 ÈS NOU VRÉMAN POUVÉ KRÈ SA LABIB-A KA DI?

Wi, pou omwens dé rézon:

  • Bondjé rayi soufrans ké enjistis. Gadé kisa Jéova rousanti lò, annan sé tan biblik-ya, yé té ka fè so pèp patché méchansté. Labib-a ka di ki Jéova té gen lapenn paské « yé té ka fè yé wè mizè » (Juges 2:18).

    Bondjé pa dakòr menm ké moun ka fè lézòt soufri. Parèkzamp Labib-a ka di ki Jéova rayi « lanmen ki ka fè disan inosan koulé » (Proverbes 6:16, 17).

  • Bondjé ka sousyé di chak moun. Chak moun konnèt « yé pa traka ké yé pa doulèr », mé Jéova konnèt yé osi! (2 Chroniques 6:29, 30).

    Toutalò gras a so Rwayonm, Jéova ké fè soufrans chak moun disparèt (Matthieu 6:9, 10). Pannan sa tan-an, i ka konsolé ké tandrès moun ki ka chaché l’ ké sensérité (Actes 17:27; 2 Corinthiens 1:3, 4).

 RÉFLÉCHI ASOU SA

Poukisa Bondjé ka permèt sé soufrans-ya?

Labib-a ka réponn sa késyon-an an ROMAINS 5:12 é an 2 PIERRE 3:9.