Alé annan ròt enformasyon

Alé annan sou-méni-a

Témwen Jéova-ya

Kréyòl gwiyanè

Kisa ou ka pansé di Labib-a?

Kisa ou ka pansé di Labib-a?

Ou té ké di...

  • a roun liv ki ka vini di moun saj?

  • a roun liv kont ké léjand?

  • a Paròl Bondjé?

 SA LABIB-A KA DI

« Tout Ekritir ka vini di Bondjé » (2 Timothée 3:16, Traduction du monde nouveau).

SANS SA POUVÉ GEN POU OU

I ka réponn késyon enpòrtan di lavi-a (Proverbes 2:1-5),

I ka gidé nou touléjou annan nou lavi (Psaume 119:105),

I ka bay nou espwar pou nou avénir (Romains 15:4).

 ÈS NOU VRÉMAN POUVÉ KRÉ SA LABIB-A KA DI?

Wi, pou omwens trwa rézon:

  • So bèl larmoni. Labib-a té ékri pannan 1 600 lannen gras a 40 moun diféran. Serten annan yé, pa té jen wè sé lézòt-ya. Mé, sa ki ka fè di Labib-a roun liv ki gen larmoni annan l’, a ki i ka palé di roun sèl sijé enpòrtan!

  • So istwè ònèt. Souvan sé moun ki ka ékri istwè di yé nasyon ka séré sa lò yé ka pédi lagèr. Mé sé moun ki ékri Labib-a, té ka roukonnèt yé pa fòt ké sa di yé nasyon (2 Chroniques 36:15, 16; Psaume 51:1-4).

  • Profési ki annan l’ vré. 200 lannen a lavans Labib té anonsé ki vil Babylonn-a té ké détrwi (Isaïe 13:17-22). Anplis di bay manyè Babylonn té ké détrwi, i té anonsé osi non moun-an ki té ké fè l’! (Isaïe 45:1-3).

    I gen bokou ròt profési annan Labib-a ki ja akonpli annan tout ti détay. Mé ès a pa sa nou divèt atann di Paròl Bondjé-a? (2 Pierre 1:21).

 RÉFLÉCHI ASOU SA

Kouman Paròl Bondjé-a ka permèt ou viv pli byen?

Labib-a ka réponn sa késyon-an an ISAÏE 48:17, 18 é an 2 TIMOTHÉE 3:16, 17.