Alé annan ròt enformasyon

Alé annan sou-méni-a

Témwen Jéova-ya

Kréyòl gwiyanè

Kilès bagaj ki ka mennen bonèr annan fanmi-a?

Kilès bagaj ki ka mennen bonèr annan fanmi-a?

Es ou ka pansé, a...

  • lanmou?

  • soumaké?

  • rounòt bagaj?

 SA LABIB-A KA DI

« Éré moun ki ka kouté paròl Bondjé é ki ka tchenbé l’! » (Luc 11:28).

SANS SA POUVÉ GEN POU OU

Trouvé vrè lanmou-a (Éphésiens 5:28, 29),

Rèspè sensèr-a (Éphésiens 5:33),

Vrè sékirité-a (Marc 10:6-9).

 ÈS NOU VRÉMAN POUVÉ KRÈ SA LABIB-A KA DI?

Wi, pou omwens dé rézon:

  • Bondjé sa Kréatèr fanmi-a. Men sa Labib-a ka di « tout fanmi [...] dwé Bondjé Jéova yé non » (Éphésiens 3:14, 15, Traduction du monde nouveau). A lavérité, fanmi ini-a ka èkzisté paské Jéova kréyé l’. Poukisa i enportan di savé sa?

    Parèkzamp: Ou ka pran plézi annan roun bon ti manjé é ou lé konnèt kisa i gen annan l’. Kimoun ou té ké doumandé? Normalman, moun-an ki té préparé l’.

    Menm manniyè-a, pou dékouvri kisa ki ka mennen bonèr annan fanmi-a, pli bon bagaj nou pouvé fè, a doumandé Jéova, Kréatèr fanmi-a (Genèse 2:18-24).

  • Bondjé ka pran swen di nou. Sé fanmi-ya té ké saj di kouté konsèy Jéova paské yé ka vini di so Paròl. Poukisa? « Paské i ka pran swen di nou » (1 Pierre 5:6, 7). Jéova lé sa ki bon pou nou, é so konsèy toujou itil! (Proverbes 3:5, 6; Isaïe 48:17, 18).

 RÉFLÉCHI ASOU SA

Kouman divini roun bon mari, roun bon madanm ouben dé bon paran?

Labib-a ka réponn sa kèsyon-an an ÉPHÉSIENS 5:1, 2 é an COLOSSIENS 3:18-21.