Alé annan ròt enformasyon

A kisa ki Rwayonm Bondjé-a?

A kisa ki Rwayonm Bondjé-a?

Ou té ké di a...

  • roun bagaj annan ou tchò?

  • roun senp esprésyon?

  • roun gouvèrnman annan syèl-a?

 SA LABIB-A KA DI

« Bondjé ki annan syèl-a ké enstalé roun rwayonm ki pa ké jen disparèt » (Daniel 2:44, Traduction du monde nouveau).

« Yé bay nou roun fis, é gouvèrnman-an ké anlè so zépol. » (Isaïe 9:6, Bible de Darby).

SANS SA POUVÉ GEN POU OU

 ÈS NOU VRÉMAN POUVÉ KRÈ SA LABIB-A KA DI?

Wi, pou omwens dé rézon:

  • Jézi té montré kisa Rwayonm Bondjé-a ké fè. Jézi té anprann so disip priyè pou Rwayonm Bondjé-a vini é pou volonté Bondjé fèt anlè latè-a (Matthieu 6:9, 10). Jézi té montré yé kouman sa lapriyè-a ké réalizé.

    Lò i té anlè latè-a, Jézi bay moun ki té fen manjé, géri moun ki té malad é roubay moun ki té mouri lavi! (Matthieu 15:29-38; Jean 11:38-44). Paské i sa fitir Rwa di Rwayonm Bondjé-a, Jézi montré dézoutrwa bèl bagaj Rwayonm-an ké poté pou so sijé (Révélation 11:15).

  • Léta monn-an ka konfirmé ki Rwayonm Bondjé-a tou pròch rivé. Jézi té di ki anvan Rwayonm–an mennen lapè anlè latè-a, nou monn té ké plen ké lagèr, lafamin ké tranbléman-dé-tèr (Matthieu 24:3, 7).

    A tout sa bagaj-ya nou ka wè jodla. Nou pouvé gen konfyans annan Rwayonm Bondjé-a ki ké éliminé tout problèm titalò.

 RÉFLÉCHI ASOU SA

Kouman lavi-a ké fika anba dominasyon Rwayonm Bondjé-a?

Labib-a ka réponn sa késyon-an an PSAUME 37:29 é an ISAÏE 65:21-23.