Alé annan ròt enformasyon

Alé annan sou-méni-a

Témwen Jéova-ya

Kréyòl gwiyanè

Kimoun ki ka vréman dominé monn-an?

Kimoun ki ka vréman dominé monn-an?

Es ou ka pansé, a...

  • Bondjé?

  • roun imen?

  • rounòt moun?

 SA LABIB-A KA DI

« Tout monn-an anba dominasyon Djab-a » (1 Jean 5:19).

« Pitit Bondjé vini [...] pou détrwi travay Djab-a » (1 Jean 3:8, Traduction du monde nouveau).

SANS SA POUVÉ GEN POU OU

Roun esplikasyon lojik di problèm monn-an (Révélation 12:12),

Roun rézon di krè ki nou monn ké chanjé pou vin miyò (1 Jean 2:17).

 ÈS NOU VRÉMAN POUVÉ KRÈ SA LABIB-A KA DI?

Wi, pou omwens trwa rézon:

  • Dominasyon Satan kondané. Jéova déterminé fini ké dominasyon Satan anlè limanité-a. I ka promèt di « éliminé [...] Djab-a » et di réparé tout déga Satan provoké (Hébreux 2:14).

  • Bondjé chwazi Jézi Kris pou dirijé monn-an. Jézi sa opozé di chèf kriyèl ké égoyis ki ka dominé monn-an jodla. Bondjé ka promèt ki lò i ké rwa, Jézi « ké gen pityé di sé fèb ké sé pov-ya [...]. Di loprésyon ké di vyolans-a i ké libéré yé » (Psaume 72:13, 14).

  • Bondjé pa pouvé manti. Labib-a ka déklaré klèrman: « I enposib pou Bondjé manti » (Hébreux 6:18, Traduction du monde nouveau). Lò Jéova promèt roun bagaj, a konsidiré i té ja fèt (Isaïe 55:10, 11). Asiré pa pétèt, « yé ké jité chèf monn-an dérò »! (Jean 12:31).

 RÉFLÉCHI ASOU SA

Kouman monn-an ké fika lò so chèf ké éliminé?

Labib-a ka réponn sa késyon-an an PSAUME 37:10, 11 é an RÉVÉLATION 21:3, 4.