Alé annan ròt enformasyon

Alé annan sou-méni-a

Alé annan somèr-a

Témwen Jéova-ya

Kréyòl gwiyanè

Bon nouvèl ki ka vini di Bondjé !

 LÉSON 15

Poukisa ou divèt kontinyé étidyé Labib-a ?

Poukisa ou divèt kontinyé étidyé Labib-a ?

1. Ki bénédiksyon ou ké trapé si ou ka kontinyé étidyé Labib-a ?

Asiré pa pétèt sé ansèyman biblik fondamantal-ya ki annan sa brochir-a fè ou lanmou pou Jéova divini pi fò. Ou divèt toujou travay pou sa lanmou-a rété fò (1 Pierre 2:2). A sèlman si ou ka kontinyé étidyé Labib-a pou vini pi pròch di Bondjé ki ou ké gen èspwar viv pou tout-tan. — Li Jean 17:3 ; Jude 21.

Pi ou ké konnèt Bondjé, pi ou lafwa ké divini fò. Lafwa ké pèrmèt ou fè li plézi (Hébreux 11:1, 6). Lafwa ké fè ou répanti é fè chanjman ki bon annan fason ou ka viv. — Li Actes 3:19.

2. Kouman fè sé lézòt-ya profité di konésans ou gen asou Bondjé ?

Ou pouvé gen roun rélasyon èspésyal ké Bondjé.

Ou ké lé palé di sa ou ka anprann, sa nòrmal : nou tout kontan poté bon nouvèl. Si ou ka kontinyé étidyé Labib-a, ou ké anprann itilizé l’ pou èspliké lafwa ou gen annan Jéova é sé bon nouvèl-ya i gen pou nou. — Li Romains 10:13-15.

Bokou moun ka koumansé palé di sa bon nouvèl-ya pou yé zanmi ké yé fanmi. Fè atansyon sa ou ké di ké fason ou ké di l’. Olyé ou di ou fanmi ki yé rélijyon pa vré, palé yé di sé promès Bondjé-ya. Épi sonjé ki, souvan, tout bon bagaj ou ka fè pou ròt moun ka touché yé tchò plis ki sa ou pouvé di. — Li 2 Timothée 2:24, 25.

3. Ki rélasyon ou pouvé kontinyé gen ké Bondjé ?

Étid Paròl Bondjé-a ké édé ou divini pi fò annan domenn èspirityèl. Pitipiti ou ké gen roun lanmityé èspésyal ké Jéova. Ou ké pouvé antré annan so fanmi. — Li 2 Corinthiens 6:18.

 4. Kouman ou pouvé kontinyé fè progrè ?

Ou pouvé fè progrè èspirityèl si ou ka kontinyé étidyé Labib-a (Hébreux 5:13, 14). Doumandé roun Témwen Jéova édé ou ké liv Que nous enseigne la Bible ? Pi ou ké lésé Paròl Bondjé ansényé ou pi ou ké gen roun lavi éré. — Li Psaume 1:1-3 ; 73:27, 28.

Sé bon nouvèl-ya ki annan sa brochir-a ka vini di Jéova, ki sa Bondjé éré-a. Ou pouvé vini pi pròch di Bondjé si ou ka vini pi pròch di so adoratèr-ya (Hébreux 10:24, 25). Lò ou ka kontinyé fè éfòr pou fè li plézi ou ka pran chimen vré lavi-a, lavi pou tout-tan. Asiré pa pétèt, vini pi pròch di Bondjé a miyò bagaj ki ou pouvé fè. — Li 1 Timothée 1:11 ; 6:19.