• So mekara hio war sombala mo fet mana ne ndang sona? (1)
  • Hio war sombala mo ne doka takiri nde mbwa ne Chrétien a wén ge? (2)
  • Me lema ing hio kpasa Chrétien meng de? (3-7)

1 Jésus ba ngdé ndanga dede war mo sombili mo be hio Chrétien. E lema mo kpa mèsè dede war ndang, ka wésara hio wan sombili Jéhovah So touka te ndang. (Jean 4:23, 24; Éphésiens 4:4, 5) Bible osa nde ka ne hio wi tikiring sona a kpa bébé war ka ne a touno mo kpo ne kpo.—Matthieu 7:13, 14.

2 Bible ba to nde hapata fio be hio apôtre hio osa wén dalo, ne deamo ka bo ne be hio Chrétien na be lé a zang wesara mae be hio Chrétien. Mbwa bé osiri hio wi mo ngdé na pata Christ ka de è na ne pata mbwa. (Matthieu 7:15, 21-23; Actes 20:29, 30) Goto a go, o a zoka mèsè hio war sombala mo ne te ne te ka to nde mbwa ne Chrétien. Ma o be ing hio kpasa Chrétien meng nde?

3 Bosi gasa mo ka me lema ingo ne hio kpasa Chrétien ne dede ngoy ka doung a soko mbwa. (Jean 13:34, 35) mbwa yambi mo zo te mbwa, ne kando be mbwa, ne gasa pén be hio olo wi na. E osi a mbwa mo sen hio wi mo ma lé ne te na. (Actes 10:34, 35) Mbwa ne a dea bilo, na. Hio kpasa Chrétien zo mae touka ngdiya mo wowi ne mo mgboko.—1 Jean 4:20, 21.


Hio kpasa Chrétien a ngoya mae, a soko mbwa, mbwa zok Bible ne zioa ne mbwa osa wén Kongakando be So

4 Ma war mo ing ne kpasa war sombili mo ne enge hio mambre a fet zo Bible ne zioa. mbwa mekara Bible ne wén mo zanga fet touka wén be So. (Jean 17:17; 2 Timothée 3:16, 17) Be mbwa, wén be So ne gasa mo pénte pén hio takara mo ne hio koto dea mo be hio wi. (Matthieu 15:1-3, 7-9) Mbwa ki mo de ka ne mo ka Bible toa, a zang touno be mbwa yala ndang ndang. Mbwa loukiti osa mo be mboa na.—Tite 1:15, 16.

5 Dede war sombala mo fine lema loukoso ling So. (Matthieu 6:9) Jésus ba osi ling So Jéhovah. Hio kpasa Chrétien lema dea gbesi. (Jean 17:6, 26; Romains 10:13, 14) Ngé hio wi ka doung sanga ne me, a osi ling So a hio olo wi e nde?

6 Hio kpasa Chrétien lema osa wén Kongakando be So. Yo ne mo ka Jésus ba de. A osi ka kpo ne wén Kongakando. (Luc 8:1) A ana hio disciple bèa mo osi ka ne ndanga te wén ha zou nou fet. (Matthieu 24:14; 28:19, 20) Hio Chrétien mekara nde ka ne Kongakando be So a be tè ne dede gaamo ne dede doungonou a zou nou.—Psaume 146:3-5.

7 Hio disciple be Jésus lem ha te mbwa ha nzan ka ngdanga na. (Jean 17:16) Mbwa le a zang wén polotic, ne, hio sena mae, mo nou ke na. Mbwa kafa hio ngdanga deamo ka ba zou nou fet mèsè. (Jacques 1:27; 4:4) Me ingo ma wesara mae be hio wan mekiri mo ka doung sanga ne me, ka de mo lem ne dafou be hio kpasa Chrétien ke nde?