Skip to content

Skip to table of contents

Hio Témoin pɛ Jéhovah

Ki nu lea Gbaya

Tén Wén 2

So ne ó?

So ne ó?
  • Kpasa So ne ó, ne ling wa ne ó? (12)
  • Wene ne ge tè tè nde? (3)
  • Hio dede kpal bèa ne ge? (4)
  • Ne dedea mo to nde o sombili So ne war hio sèka mo ne hio ma mo ka o zo touka So? (5)
  • Osi hio war bwa mo yambi mo ing ne So (6)

1 Hio wi a sombala hio mo ne doka. Bible osa o nde te KPASA So ka ndang. Ka ne wène a mgbonguiri mo fet ka doung a zang ngon ne mo fet ka doung a zou nou. A zou wène a ha touno ha o, lema nde o sombili ka ne wène ndang.—1 Corinthiens 8:5, 6; Apocalypse 4:11.

2 So ne hio ling wan bea ne doka, ma wène ka ne gasa ling ndang. Ling wa ne JÉHOVAH. Hio ma Bible sanza gasa ling So ne hio ma ling wan bèa touka SEIGNEUR fin touka SO. Ma ha ngimo ka è ba gon ne Bible è ba kpa ling Jéhovah a yo sanga ne 7 000!—Exode 3:15; Psaume 83:18.

3 Jéhovah ne tè, ma yo bo touka bo na. Bible nde “So ne Bou.” (Jean 4:24) Wi ka doung ne tè bou ne ngaya pén o. Wi ndang te zo So na. Jéhovah doung a zang ngon, ma a lema zoka mo fet. (Psaume 11:4, 5; Jean 1:18) Saint esprit ne ge? Saint esprit bo ne wi na, yo ne ngaya be So ka de tom.—Psaume 104:30.

4 Bible osa o kando be Jéhovah. Osa fine ha o hio gasa kpal be Jéhovah touka ngoy, dede gona kita, ingomo ne ngaya. (Deutéronome 32:4; Job 12:13; Ésaïe 40:26; 1 Jean 4:8) Bible toa fine a o nde, So ne wi ka doung ne dede sila, wène a ha pardon, wène a hamo a hio wi, wène a ba sila. Touka bém ka zé nou lema nde o yambi wéne.—Éphésiens 5:1, 2.


O yambi mo ing so ne war mo ka wène mgbongara, ne Bible

5 Ne dedea mo to nde o sombili So ne war hio sèka mo, ne hio ma mo ka o zo touka So? Ndang na! (Exode 20:4, 5) Jéhovah toa nde o sombili ka ne wène ndang sona. A lem kapini gloire bèa hine mawi ne hio ma mo ne te na. Hio sèka mo bo ne ngaya mo hako ha o na.—Psaume 115:4-8; Ésaïe 42:8.

6 O be ing So ne dedea meng? Bosi war mo ing ne wène ne enge: Zo mo fet ka wène dea. Ne ba zou me, a mo ka yo osi ha o? Mo fet ka So mgbongara osi a o nde, So ne gasa mgbana, ne gasa wan ingmo. O zoka ngoy bèa ha zang mo fet ka wène dea. (Psaume 19:1-6; Romains 1:20) Ma war mo ing So ne dedea ne yamba Bible. Bible osa fine ha o hio mo ne doka hazou kando wi ka So ne yo. A toa fine mo ka wène ne woa mo de, ne mo ka wène keri a war bo.—Amos 3:7; 2 Timothée 3:16, 17.