Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ajuro Yehowa Odasefoi yɛ Yelikɛbuamɔ ni Amɛkɛhã Gboklɛfoi Komɛi lɛ Hewɔ

Ajuro Yehowa Odasefoi yɛ Yelikɛbuamɔ ni Amɛkɛhã Gboklɛfoi Komɛi lɛ Hewɔ

Ahã Yehowa Odasefoi nɛɛhu ko ni yɔɔ Australia lɛ yijiemɔ wolo kɛtsɔɔ akɛ, hiɛ esɔ yelikɛbuamɔ ni amɛkɛhã gboklɛfoi komɛi yɛ Australia tsuŋwoohe wuji fe fɛɛ lɛ ekome mli lɛ. Australia amralo lɛ tsuŋwoohe * ko (Curtin Immigration Detention Centre) ni bɛŋkɛ Derby, yɛ Western Australia lɛ ji mɛi ni kɛ yijiemɔ wolo lɛ hã Odasefoi lɛ.

Daa otsi lɛ, Odasefoi lɛ yasaraa gboklɛfoi nɛɛ ni amɛboɔ amɛniiashikpamɔi atoi, amɛjɛɔ Biblia lɛ mli amɛshɛjeɔ amɛmii, ni amɛhãa amɛ hiɛnɔkamɔ. Christopher Riddoch ni kwɛɔ tsuŋwoohe nɛɛ jamɔŋ nifeemɔi anɔ lɛ wie akɛ, “Ewaaa kwraa akɛ obaana hewalɛ kpakpa ni amɛsaramɔi lɛ náa yɛ gboklɛfoi lɛ anɔ amrɔ nɔŋŋ.” Ekɛfata he akɛ, kɛ́ amɛbasara ni amɛtee lɛ, gboklɛfoi lɛ anifeemɔ tsakeɔ ni amɛmii shɛɔ amɛhe waa. Etsɔɔ mli akɛ, “enɛ jɛ le ni gboklɛfoi nɛɛ le akɛ mɛi komɛi yɛ ni susuɔ amɛhe lɛ hewɔ.”

Owula Riddoch wie hu akɛ, yijiemɔ wolo ni amɛkɛhã Odasefoi lɛ ji nɔ ko fioo kɛkɛ ni amɛkɛmiida Odasefoi lɛ ashi, ejaakɛ wɔna akɛ “amɛhã mɛi ni yɔɔ wɔkwɛmɔ shishi lɛ ashihilɛ etsake.” Ekɛfata he akɛ nifeemɔ nɛɛ “ewo Odasefoi lɛ awekui, amɛsafo kɛ amɛhemɔkɛyeli lɛ hiɛ nyam.”

^ kk. 2 Tsuŋwoohe nɛɛ baanyɛ ato mɛi 1,500.

Ekrokromɛi Hu Nɛ