Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Yehowa Odasefoi Ayi Efa Waa Fe Bei ni Eho

Yehowa Odasefoi Ayi Efa Waa Fe Bei ni Eho

Yɛ afi 1987 lɛ, nyɛminuu Lyman Swingle, ni eji Yehowa Odasefoi lɛ A-Gbɛtsɔɔmɔ Kuu lɛ mli nyo lɛ kɛ mɛi 63,580 ni babua amɛhe naa lɛ wie yɛ hiɛtserɛjiemɔ he ko ni ji Plaza Monumental, yɛ Valencia, ni yɔɔ Venezuela. Mɛi kɛ tsɔji efa gbɛ jenamɔ muu fɛɛ koni amɛbabo lɛ toi. Be ni Nyɛminuu Swingle kɛ asafo kpele lɛ wieɔ lɛ, ekɛɛ akɛ: “Amrɔ nɛɛ nyɛjeee kuu bibioo dɔŋŋ. Nyɛyi efa bɔ ni sa. Ni bɔ ni nibii yaa lɛ tsɔɔ akɛ, etsɛŋ kwraa ni ‘nyɛshiɛlɔi ayifalɛ baashɛ 100,000’!”

Yɛ afi 1987 lɛ, no mli lɛ Venezuela yɛ shiɛlɔi 38,000 kɛ sɛɛ, ni ji Yehowa Odasefoi ni kɛ ekãa shiɛɔ Maŋtsɛyeli sane kpakpa lɛ. Nakai beiaŋ lɛ, maji kpaanyɔ pɛ yɔɔ shiɛlɔi ni fa fe 100,000.

Bɔ ni Yehowa Odasefoi eshwere yɛ jeŋ fɛɛ lɛ sa kadimɔ waa. Be ni awu Jeŋ Ta I agbe naa lɛ sɛɛ lɛ, no mli lɛ mɛi akpei fioo ko pɛ jajeɔ Yehowa Maŋtsɛyeli lɛ. Enɛ tsake. Afi 1943 Yearbook of Jehovah’s Witnesses lɛ tsɔɔ akɛ: “Afi 1942 shiɛmɔ nitsumɔ lɛ he amaniɛbɔɔ lɛ sa kadimɔ waa, eyɛ mli akɛ wɔnine shɛɛɛ maji komɛi amaniɛbɔi anɔ akɛni wɔyanɛɛɛ wɔkɛ amɛ ashara lɛ hewɔ . . . , ejaakɛ amaniɛbɔɔ lɛ tsɔɔ akɛ yɛ jeŋ fɛɛ lɛ, mɛi ni kɛ amɛhe woɔ sane kpakpa shiɛmɔ nitsumɔ lɛ mli lɛ ayibɔ etee hiɛ kɛshɛ 106,000.” Yɛ bɔ ni shihilɛ fee basabasa be ni Jeŋ Ta II yaa nɔ lɛ fɛɛ sɛɛ po lɛ, mɛi baboo kpɛlɛ Biblia mli anɔkwale lɛ nɔ. Yɛ afi 1950 lɛ, United States kome too po ná shiɛlɔi ni fa fe 100,000.

Maŋ ni nyiɛ sɛɛ ni ná shiɛlɔi 100,000 ji Nigeria, yɛ afi 1974.

Afi ni nyiɛ sɛɛ lɛ, Brazil kɛ Germany hu bafata maji ni ná shiɛlɔi 100,000 kɛ sɛɛ lɛ ahe. Shweremɔi nɛɛ ni ba yɛ je lɛŋ hei srɔtoi lɛ tsɔɔ akɛ, mɛi miinya Biblia mli anɔkwale lɛ he yɛ jeŋ fɛɛ.

Mɛi ayibɔ ni kpɛlɛɔ sane kpakpa lɛ nɔ yɛ jeŋ fɛɛ lɛ miiya hiɛ waa. Enɛ kɛ nɔ ni Biblia lɛ gba lɛ kpãa gbee akɛ: “Mɔ bibioo ko aaatsɔ mɛi akpe, ni mɔ fioo hu aaatsɔ maŋ ni wa: Kɛ́ shɛ ebe lɛ, mi, Yehowa, maha afee oyá!”Yesaia 60:22.

Afi 2014 sɔɔmɔ afi lɛ amaniɛbɔɔ lɛ tsɔɔ akɛ, ayɛ maji 24 ni amɛteŋ eko fɛɛ eko hiɛ shiɛlɔi ni fa fe 100,000. Venezuela fata maji nɛɛ ahe, ni amɛná yibɔ nɛɛ yɛ afi 2007. Yɛ jeŋ fɛɛ lɛ, ayɛ Yehowa Odasefoi asafoi 115,416 kɛ shiɛlɔi 8,201,545.

Maji ni hiɛ shiɛlɔi 100,000 kɛ sɛɛ

Shikpɔŋ

Maŋ

Shiɛlɔi

Afrika

Angola

108,607

Congo, Democratic Republic of

216,024

Ghana

125,443

Nigeria

362,462

Zambia

178,481

Asia

Japan

215,703

Korea, Republic of

100,641

Philippines

196,249

Europe

Britain

138,515

France

127,961

Germany

166,262

Italy

251,650

Poland

123,177

Russia

171,268

Spain

112,493

Ukraine

150,906

Amerika Kooyigbɛ

Canada

116,312

Mexico

829,523

United States of America

1,243,387

Amerika Wuoyigbɛ

Argentina

150,171

Brazil

794,766

Colombia

166,049

Peru

123,251

Venezuela

140,226

 

Ekrokromɛi Hu Nɛ

Te Yehowa Odasefoi Eto Amɛshiɛmɔ Nitsumɔ lɛ He Gbɛjianɔ Amɛha Tɛŋŋ?

Wɔnyiɛɔ okadi ni Yesu to efɔ̃ shi be ni eyɔɔ shikpɔŋ lɛ nɔ lɛ sɛɛ. Mɛni ji gbɛi ni wɔtsɔɔ nɔ wɔshiɛɔ lɛ ekomɛi?