Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Gbɛtsɔɔmɔ Kuu lɛ Wo Odasefoi ni Yɔɔ Russia kɛ Ukraine lɛ Hewalɛ

Gbɛtsɔɔmɔ Kuu lɛ Wo Odasefoi ni Yɔɔ Russia kɛ Ukraine lɛ Hewalɛ

“Wɔnu he oookɛɛ aatsɔ suɔmɔ aashwie wɔnɔ!” Nakai ji bɔ ni yoo ko ni yɔɔ Ukraine ni bo wolo ni Yehowa Odasefoi Agbɛtsɔɔmɔ Kuu lɛ ŋma ní Stephen Lett kane lɛ kɛɛ. Yoo nɛɛ fata Yehowa Odasefoi 165,000 ni bo wiemɔ ni Nyɛminuu Lett hã lɛ toi lɛ ahe. Nyɛminuu Lett hã wiemɔ nɛɛ be ni eyasara Ukraine yɛ otsi naagbee ni ji May 10 kɛ 11, 2014 lɛ.

Atsɔɔ wiemɔi ni ajɛ Biblia lɛ mli ahã kɛ wolo ni Gbɛtsɔɔmɔ Kuu lɛ ŋma lɛ ashishi kɛtee wiemɔi srɔtoi enumɔ amli, ni ato he gbɛjianɔ koni mɛi ni eyabua amɛhe naa yɛ Maŋtsɛyeli Asai aaafee 700 amli yɛ Ukraine niiaŋ fɛɛ lɛ anu nifeemɔ lɛ yɛ be kome too lɛ nɔŋŋ mli.

Nakai otsi lɛ naagbee nɔŋŋ lɛ, Mark Sanderson, ni lɛ hu eji Gbɛtsɔɔmɔ Kuu lɛ mli nyo lɛ kane wolo ni Gbɛtsɔɔmɔ Kuu lɛ ŋma lɛ yɛ nifeemɔ ni tee nɔ yɛ Russia lɛ shishi kɛhã nyɛmimɛi ni yɔɔ Russia niiaŋ fɛɛ lɛ. Atsɔɔ henaabuamɔ nɛɛ mli nifeemɔi lɛ ashishi kɛtee wiemɔi srɔtoi 14 amli, ni ato gbɛjianɔ koni mɛi 180,413 ni yɔɔ asafoi ni fa fe 2,500 amli yɛ Belarus kɛ Russia lɛ anu nifeemɔ lɛ yɛ be kome too lɛ nɔŋŋ mli.

Gbɛtsɔɔmɔ Kuu lɛ ŋma wolo lɛ kɛhã asafoi fɛɛ ni yɔɔ Russia kɛ Ukraine lɛ. Nyɛminuu Sanderson kane wolo lɛ yɛ Russia wiemɔ mli, ni enɛ tsirɛ Yehowa Odasefoi anitsumɔhe nine ni yɔɔ Russia lɛ ni amɛŋma akɛ: “Nyɛmimɛi ni yɔɔ biɛ lɛ atsuiiaŋ eyimɔ obɔ̃bɔ̃ kɛ miishɛɛ akɛ Gbɛtsɔɔmɔ Kuu lɛ susuɔ amɛhe waa. Wɔteŋ mɔ fɛɛ mɔ nu he oookɛɛ Gbɛtsɔɔmɔ Kuu lɛ miifua wɔ atuu.”

Gbɛtsɔɔmɔ Kuu lɛ ŋma wolo lɛ koni ekɛshɛje Odasefoi ni yɔɔ maji nɛɛ amli hei ni maŋkwramɔŋ basabasafeemɔi kɛ tai miiya nɔ lɛ amii. Wolo lɛ wo nyɛmimɛi lɛ ŋaa koni ‘amɛkɛ amɛhe akawo je lɛ nifeemɔi’ amli, no ji amɛkafi afã ko kwraa sɛɛ yɛ je lɛ maŋkwramɔŋ saji ni yaa nɔ lɛ amli.—Yohane 17:16.

Gbɛtsɔɔmɔ Kuu lɛ wo Odasefoi lɛ hewalɛ koni amɛtsɔ sɔlemɔ, nikasemɔ, kɛ Nyɔŋmɔ Wiemɔ lɛ nɔ jwɛŋmɔ nɔ amɛwaje amɛkɛ Yehowa teŋ wekukpaa lɛ. Awo toibolɔi lɛ hewalɛ koni amɛhã ehi amɛjwɛŋmɔŋ akɛ, ekɔɔɔ he eko kaa ni amɛkɛbaakpe lɛ, amɛkɛ amɛhiɛ afɔ̃ Yehowa shiwoo ni eyeɔ nɔ be fɛɛ be ni yɔɔ Yesaia 54:17 lɛ nɔ, ekɛɔ akɛ: “Tawuu nii ní asɔ̃ɔ ashiɔo lɛ eko eko nyɛŋ nɔ ko afee.”

Gbɛtsɔɔmɔ Kuu lɛ kɛ wiemɔi ni nyiɛ sɛɛ nɛɛ mu ewolo lɛ naa akɛ: “Wɔsumɔɔ nyɛ waa naakpa. Nyɛfainɛ, nyɛnáa nɔmimaa akɛ wɔsusuɔ nyɛhe daa gbi, ni be fɛɛ be lɛ, wɔsɔleɔ wɔbiɔ Yehowa koni eye ebua nyɛ.”

Be ni Yehowa Odasefoi anitsumɔhe nine ni yɔɔ Ukraine lɛ wieɔ saramɔ nɛɛ he lɛ, amɛŋma akɛ: “Nyɛmimɛi ni yɔɔ Ukraine kɛ Russia lɛ eyakpaaa gbɛ akɛ Gbɛtsɔɔmɔ Kuu lɛ baato gbɛjianɔ ni nɔ bɛ tamɔ nɛkɛ, no hewɔ lɛ, amɛhiɛ sɔ saramɔ ni Nyɛminuu Lett kɛ Nyɛminuu Sanderson basara amɛ lɛ waa diɛŋtsɛ. Bɔ ni yɛ otsi naagbee kome too lɛ nɔŋŋ mli lɛ, ahã Nyɛminuu Lett basara Ukraine ni Nyɛminuu Sanderson hu yasara Russia lɛ maa ekomefeemɔ ni yɔɔ Nyɔŋmɔ webii lɛ ateŋ lɛ nɔ mi, ni ehã nyɛmimɛi lɛ na bɔ ni Yehowa kɛ Yesu susuɔ amɛhe hã. Wɔ fɛɛ wɔkpɛlɛɔ nɔ akɛ saramɔ nɛɛ ba yɛ ebe naa diɛŋtsɛ, ni wɔnuɔ he akɛ ewo wɔ hewalɛ koni wɔya nɔ wɔsɔmɔ Yehowa ekɔɔɔ he eko shihilɛi ni mli wawai ni wɔkɛbaakpe.”

Ekrokomɛi Hu Nɛ

SANEBIMƆI NI BIBLIA LƐ EHA HETOO

Mɛni Hewɔ Anyɛko Aná Toiŋjɔlɛ yɛ Je Lɛŋ Lɛ?

Mɔdɛŋ fɛɛ ni adesai bɔɔ kɛná toiŋjɔlɛ yɛ je lɛŋ fɛɛ lɛ efee yaka. Kanemɔ koni ole yiŋtoi ahewɔ ni ebaa lɛ nakai.

SAJI NI MƐI FƆƆ BIMƆ

Mɛni Hewɔ Yehowa Odasefoi Fiii Afã Ko Sɛɛ Yɛ Maŋkwramɔ Saji Amli Lɛ?

Ani afã ko sɛɛ ni wɔfiii lɛ kɛ maŋ shweshweeshwe feemɔ woɔ oshara mli?