Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Nyɛhaa Mlijaa Nyɔŋma?

Ani Nyɛhaa Mlijaa Nyɔŋma?

Dabi, Yehowa Odasefoi haaa mlijaa nyɔŋma; ajɛɔ suɔmɔ mli atsuɔ onia kɛfiɔ wɔnitsumɔ lɛ sɛɛ, ni atsĩii mɛi ni tsuɔ onia lɛ agbɛ́i. Mɛni ji mlijaa nyɔŋma, ni mɛni hewɔ Yehowa Odasefoi haaa lɛ?

Kitã ni awo akɛ aha mlijaa nyɔŋma, loo mɔ ko kɛ nibii ni eyɔɔ lɛ mlijaa nyɔŋma abaha lɛ fata Mla ni akɛha blema Israel maŋ lɛ he. Kɛlɛ, Biblia lɛ feɔ lɛ faŋŋ akɛ Kristofoi bɛ nɛkɛ Mla—ni ‘kitã akɛ ahé mlijaa nyɔŋma’ fata he lɛ shishi dɔŋŋ.Hebribii 7:5, 18; Kolosebii 2:13, 14.

Nɔ najiaŋ ni amɛkɛ mlijaa nyɔŋma kɛ afɔlei krokomɛi ni abiɔ lɛ aaaha lɛ, Yehowa Odasefoi nyiɛɔ mra beaŋ Kristofoi lɛ anɔkwɛmɔnɔ lɛ sɛɛ kɛfiɔ amɛsɔɔmɔ nitsumɔ lɛ sɛɛ yɛ gbɛi enyɔ komɛi anɔ: kɛtsɔ shiɛmɔ kɛ nii ni amɛtsɔɔ mɛi ni awooo amɛ nyɔmɔ lɛ, kɛ amɛsuɔmɔ mli ni amɛjɛɔ amɛtsuɔ onia lɛ anɔ.

No hewɔ lɛ wɔnyiɛɔ gbɛtsɔɔmɔ ni Biblia lɛ kɛhaa Kristofoi lɛ asɛɛ, no ji: “Mɔ fɛɛ mɔ aha bɔ ni ekpɛ mli momo yɛ etsui mli, ni ekajɛ ŋkɔmɔyeli aloo fimɔ mli: ejaakɛ tsuijurɔnaa halɔ Nyɔŋmɔ sumɔɔ.”2 Korintobii 9:7.

 

Ekrokromɛi Hu Nɛ

Mɛɛ Gbɛ nɔ Nyɛtsɔɔ Nyɛnáa Shika Kɛtsuɔ Nyɛnitsumɔ Lɛ?

Kanemɔ bɔ ni yɛ mɛi anɔ ni anyɛɛɛ koni amɛtsu shika loo amɛwo mlijaa nyɔŋma lɛ fɛɛ sɛɛ lɛ, shiɛmɔ nitsumɔ ni atsuɔ yɛ jeŋ fɛɛ lɛ yaa nɔ eshwereɔ ehaa lɛ.