Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛɛ Gbɛ nɔ Nyɛtsɔɔ Nyɛnáa Shika Kɛtsuɔ Nyɛnitsumɔ Lɛ?

Mɛɛ Gbɛ nɔ Nyɛtsɔɔ Nyɛnáa Shika Kɛtsuɔ Nyɛnitsumɔ Lɛ?

Onia ni Yehowa Odasefoi jɛɔ amɛsuɔmɔ mli amɛtsuɔ lɛ ji nɔ titri ni akɛtsuɔ wɔshiɛmɔ nitsumɔ lɛ he nii. Anyɛɛɛ mɛi anɔ aheee shika yɛ wɔkpeei lɛ ashishi, ni abiii koni asafoŋbii lɛ awo mlijaa nyɔŋma. (Mateo 10:7, 8) No najiaŋ lɛ, atoɔ oniatsumɔ adekai ahe gbɛjianɔ yɛ wɔkpeei asai lɛ anɔ koni kɛ́ mɔ ko miisumɔ ni etsu onia lɛ, enyɛ efee nakai. Atsĩii mɛi ni tsuɔ onia lɛ agbɛ́i atã.

Nɔ kome hewɔ ni wɔhe fiii wɔ yɛ shika gbɛfaŋ lɛ ji akɛ wɔbɛ osɔfoi ni awoɔ amɛ nyɔmɔ. Kɛfata he lɛ, awooo Odasefoi ni yaa mɛi ashiai amɛyashiɛɔ lɛ nyɔmɔ, ni wɔjamɔhei lɛ hu yɛ bɔ ni sa kɛkɛ.

Akɛ oniai ni atsu ni akɛyaa Yehowa Odasefoi anitsumɔhe niji lɛ yeɔ buaa mɛi ni adebɔɔ naa osharai enina amɛ, maŋsɛɛ shiɛlɔi, kɛ nɔkwɛlɔi gbɛfalɔi lɛ; akɛ eko hu mamɔɔ wɔjamɔhei yɛ maji ni bɛ nii tsɔ lɛ amli, akɛ eko hu kalaa Biblia lɛ kɛ woji ni Yehowa Odasefoi damɔɔ Biblia lɛ nɔ amɛŋmalaa lɛ, ni akɛmajeɔ.

Aŋkroaŋkroi diɛŋtsɛ kpɛɔ amɛyiŋ akɛ amɛbaajɛ amɛsuɔmɔ mli amɛtsu onia kɛfĩ asafoi ni amɛyɔɔ mli lɛ, jeŋ muu nitsumɔ lɛ, loo enyɔ nɛɛ fɛɛ sɛɛ. Daa nyɔɔŋ nɔ lɛ, asafo fɛɛ asafo haa emlibii lɛ leɔ shika abɔ ni aná kɛ nɔ ni akɛ eko tsu.

Ekrokromɛi Hu Nɛ

Vidio ko Fã: Bɔ ni Yehowa Odasefoi Feɔ Amɛnáa Shika Kɛfĩɔ Amɛnitsumɔ lɛ Sɛɛ

Kwɛmɔ bɔ ni afeɔ ayeɔ abuaa jeŋ muu fɛɛ nitsumɔ lɛ, kɛ bɔ ni atsuɔ onia yɛ je lɛŋ fɛɛ.