Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Mɛni Hewɔ Nyɛyaa Mɛi ni Yɔɔ Jamɔ ko Mli Momo lɛ Aŋɔɔ Lɛ?

Mɛni Hewɔ Nyɛyaa Mɛi ni Yɔɔ Jamɔ ko Mli Momo lɛ Aŋɔɔ Lɛ?

Wɔyɔse akɛ mɛi ni yɔɔ amɛjamɔ momo lɛ ateŋ babaoo sumɔɔ koni akɛ amɛ asusu Biblia mli saji ahe waa. Anɔkwa, wɔkpɛlɛɔ nɔ akɛ mɛi yɛ hegbɛ akɛ amɛhalaa jamɔ kroko, ni wɔkɛ wɔsane lɛ fiii mɛi anɔ.

Kɛ́ wɔkɛ mɛi miisusu jamɔ he lɛ, wɔbɔɔ mɔdɛŋ koni wɔkɛ Biblia mli ŋaawoo akɛ, wɔfee nakai kɛ “mlijɔlɛ,” ni wɔjie ‘bulɛ diɛŋtsɛ’ kpo wɔtsɔɔ mɛi lɛ atsu nii. (1 Petro 3:15) Wɔle akɛ mɛi komɛi baakpoo sane ni wɔshiɛɔ lɛ. (Mateo 10:14) Kɛlɛ, wɔnyɛŋ wɔle bɔ ni mɛi baafee amɛnii yɛ sane lɛ he amɛha ákɛ ja wɔkɛ amɛ ewie daŋ. Wɔyɔseɔ hu akɛ mɛi ashihilɛ tsakeɔ.

Ákɛ nɔkwɛmɔnɔ lɛ, ekolɛ mɔ ko naŋ dekã kwraa ni ekɛ wɔ baawie, shi be kroko lɛ, enáa he miishɛɛ akɛ ekɛ wɔ baagba sane. Ni mɛi komɛi hu baanyɛ amɛkɛ naagbai heei akpe loo amɛyaje shihilɛi hee ko mli, ni no baaha amɛsumɔ koni akɛ amɛ asusu Biblia mli saji ahe. No hewɔ lɛ, wɔbɔɔ mɔdɛŋ akɛ wɔbaaya mɛi aŋɔɔ fe shi kome.