Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Nyɛtsuɔ Maŋsɛɛ Sɔɔmɔ Nitsumɔ?

Ani Nyɛtsuɔ Maŋsɛɛ Sɔɔmɔ Nitsumɔ?

Hɛɛ. Yehowa Odasefoi ni yɔɔ he fɛɛ he lɛ bɔɔ mɔdɛŋ akɛ amɛbaaná maŋsɛɛ sɔɔmɔ su loo mumɔ lɛ eko, ni wɔkɛ mɛi ni wɔkɛkpeɔ lɛ fɔɔ wɔhemɔkɛyeli lɛ he sane gbaa.Mateo 28:19, 20.

Kɛfata he lɛ, Odasefoi komɛi yashiɛɔ yɛ amɛmaŋ lɛŋ hei ni mɛi nuko Biblia mli sane kpakpa lɛ, loo amɛfãa kɛyahiɔ jɛmɛ ni amɛshiɛɔ. Odasefoi komɛi hu fãa kɛyaa maŋsɛɛ shikpɔji anɔ ni amɛyashiɛɔ yɛ jɛmɛ kɛlɛɔ amɛsɔɔmɔ nitsumɔ lɛ mli. Amɛyɛ he miishɛɛ akɛ amɛmiiná Yesu gbalɛ nɛɛ mlibaa lɛ mli gbɛfaŋnɔ, no ji: “Nyɛaatsɔmɔ midasefoi . . . kɛyashi shikpɔŋ lɛ naagbeehei lɛ.”Bɔfoi lɛ Asaji 1:8.

Yɛ afi 1943 lɛ, wɔto skul ko ni abaatsɔ nɔ akɛ tsɔsemɔ krɛdɛɛ aha wɔmaŋsɛɛ sɔɔlɔi lɛ ekomɛi lɛ shishi. Kɛbashi amrɔ nɛɛ, Odasefoi fe 8,000 etee skul nɛɛ ni atsɛɔ Buu-Mɔɔ Gilead Biblia Skul lɛ eko.

 

Ekrokromɛi Hu Nɛ

Amɛshiɛɔ Kɛyaa Shikpɔŋ lɛ Naagbee Hei Lɛ

Buu-Mɔɔ Gilead Biblia Skul lɛ maa nitsumɔ ni he hiaa fe fɛɛ, ni ji shiɛmɔ nitsumɔ lɛ nɔ mi. Bo niiashikpamɔi ni maŋsɛɛ sɔɔlɔi ni etee skul krɛdɛɛ nɛɛ eko lɛ ená lɛ toi.

Ato Gilead Skul lɛ Shishi Afii Nyɔŋmai Kpawo Nɛ

Yɛ February 1, afi 1943 lɛ, aje skul krɛdɛɛ ko shishi yɛ New York kooyigbɛ. Etsɔse shiɛlɔi akpei saŋŋ koni amɛyatsɔɔ mɛi anɔkwalei ni kɔɔ Nyɔŋmɔ he.