Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Mɛni Ji Biblia Mli Nikasemɔ?

Mɛni Ji Biblia Mli Nikasemɔ?

Yehowa Odasefoi eto Biblia mli nikasemɔ he gbɛjianɔ ni amɛkɛ mɛi feɔ. Nikasemɔ lɛ haa anáa sanebimɔi nɛɛ kɛ ekrokomɛi ahetoo:

  • Namɔ ji Nyɔŋmɔ?

  • Ani Nyɔŋmɔ susuɔ mihe lɛɛlɛŋ?

  • Te mafee tɛŋŋ mawaje migbãlashihilɛ lɛ?

  • Te mafee tɛŋŋ maná miishɛɛ yɛ shihilɛ mli?

Kɛ́ okwɛ shishigbɛ nɛɛ, obaana saji ni mɛi fɔɔ bimɔ yɛ Biblia mli nikasemɔ ni wɔkɛ mɛi feɔ lɛ he, kɛ amɛhetoi.

Te ato Biblia mli nikasemɔ lɛ he gbɛjianɔ aha tɛŋŋ? Wɔkɔɔ sane ko tamɔ “Nyɔŋmɔ“ loo “gbãla“ kɛkɛ lɛ wɔpɛi Biblia mli ŋmalɛi srɔtoi ni kɔɔ sane lɛ he lɛ amli. Kɛ́ wɔkɛ to he nakai lɛ, wɔnaa nɔ ni Biblia muu lɛ fɛɛ kɛɔ yɛ sane lɛ he, ni kɛtsɔ no feemɔ nɔ lɛ, wɔŋmɛɔ Biblia lɛ gbɛ ni lɛ diɛŋtsɛ ekɛ esshishinumɔ haa.

Bɔni afee ni wɔnu Biblia lɛ shishi lɛ jogbaŋŋ lɛ, wɔkɛ wolo ni ji Mɛni Biblia lɛ Tsɔɔ Diɛŋtsɛ? lɛ kaseɔ Biblia lɛ. Wolo nɛɛ tsɔɔ nɔ diɛŋtsɛ ni Biblia lɛ kɛɔ yɛ saji tamɔ Nyɔŋmɔ, Yesu, wɔwɔsɛɛ, kɛ saji krokomɛi ahe lɛ mli jogbaŋŋ.

Kɛ́ afee Biblia mli nikasemɔ lɛ, shika enyiɛ aheɔ? Afeɔ nikasemɔ lɛ yaka, ni abiii ni mɔ ko awo nibii ni akɛfeɔ nikasemɔ lɛ ahe nyɔmɔ.

Bei enyiɛ nikasemɔi lɛ eko fɛɛ eko heɔ? Mɛi saŋŋ ŋɔɔ ŋmɛlɛtswaa kome loo nɔ̃ daa otsi ni wɔkɛ amɛ kaseɔ Biblia lɛ. Shi nikaselɔ lɛ ji mɔ ni baatsɔɔ bei abɔ ni ebaasumɔ ni nikasemɔ lɛ aye. Wɔbaafee nikasemɔ lɛ yɛ obe he gbɛjianɔtoo naa.

Kɛ́ mibi koni akɛ mi abaafee Biblia mli nikasemɔ lɛ, mɛni abaafee? Kɛ́ obi koni akɛ bo abakase Biblia lɛ, abaaha Yehowa Odasefonyo ko abasra bo yɛ he ni obaatsɔɔ, kɛ be ni baahi aha bo. Mɔ lɛ baaŋɔ minitii fioo kɛtsɔɔ bo bɔ ni wɔfeɔ nikasemɔ lɛ wɔhaa. Kɛ́ oná he miishɛɛ lɛ, obaanyɛ obi koni ebatsa nikasemɔ lɛ nɔ.

Kɛ́ mikpɛlɛ ni akɛ mi bɔi nikasemɔ lɛ, ani esa akɛ doo matsɔ Odasefonyo? Dabi. Yehowa Odasefoi yɛ he miishɛɛ akɛ amɛbaaye amɛbua mɛi kɛkase Biblia lɛ, shi wɔnyɛɛɛ mɔ ko nɔ akɛ ekɛ ehe abadɔmɔ wɔ. No najiaŋ lɛ, wɔjɛɔ bulɛ mli wɔkɛ mɛi susuɔ nibii ni Biblia lɛ kɛɔ lɛ ahe. Ejaakɛ wɔle akɛ mɔ fɛɛ mɔ yɛ hegbɛ ni ehalaa nibii ni ebaasumɔ ni ehe eye.—1 Petro 3:15.

 

Ekrokomɛi Hu Nɛ

GBƐJIANƆTOO KƐHÃ BIBLIA KASEMƆ

Mɛni Hewɔ Esa akɛ Okase Biblia Lɛ?

Biblia lɛ miiye miibua mɛi akpekpei komɛi ni yɔɔ jeŋ fɛɛ lɛ kɛmiiná shihilɛ mli sanebimɔi titrii lɛ ahetoo. Ani obaasumɔ ni ofata mɛi nɛɛ ahe?

GBƐJIANƆTOO KƐHÃ BIBLIA KASEMƆ

Mɛni Yaa Nɔ yɛ Biblia Nikasemɔ Feemɔ Mli?

Ale Yehowa Odasefoi yɛ je lɛŋ fɛɛ akɛ amɛkɛ mɛi kaseɔ Biblia lɛ ní amɛheee shika. Kwɛmɔ bɔ ni afeɔ lɛ ahãa.

WƆHE SAJI

Biblia Nikasemɔ ni Aheee Nɔ Ko

Bi koni akɛ bo akase Biblia lɛ yaka. Abaafee lɛ be ni osumɔɔ kɛ he ni osumɔɔ.