Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Yehowa Odasefoi

Ga

Yehowa Odasefoi Enyiɛ Yɔɔ Je Lɛŋ Fɛɛ?

Yehowa Odasefoi Enyiɛ Yɔɔ Je Lɛŋ Fɛɛ?

Afi 2015 Sɔɔmɔ Afi * lɛ Amaniɛbɔɔ

Number of Jehovah’s Witnesses worldwide

8,220,105

Asafoi

118,016

Shikpɔji abɔ ni Yehowa Odasefoi shiɛɔ yɛ nɔ

240

Te nyɛfeɔ tɛŋŋ nyɛleɔ nyɛyibɔ?

Wɔkaneɔ mɛi pɛ ni kɛ hiɛdɔɔ shiɛɔ Maŋtsɛyeli Sane Kpakpa lɛ daa nyɔɔŋ akɛ Yehowa Odasefoi lɛ. (Mateo 24:14) Mɛi nɛɛ ji mɛi ni abaptisi amɛ akɛ Yehowa Odasefoi, kɛ mɛi hu ni abaptisiko amɛ, shi amɛshiɛɔ akɛni amɛshɛɔ taomɔ nii kɛhã shiɛlɔi lɛ ahe lɛ hewɔ.

Ani abiɔ ni mɔ ko ahã shika ko dani ebatsɔ Yehowa Odasefonyo?

Dabi. Abiii ni mɔ ko ahã shika loo eke nɔ ko dani akane lɛ afata Yehowa Odasefoi ahe loo ená nifeemɔ ko loo sɔɔmɔ hegbɛ yɛ asafo lɛ mli. (Bɔfoi 8:18-20) Anɔkwa, mɛi ni tsuɔ onia loo amɛkeɔ asafo lɛ nibii lɛ ateŋ mɛi babaoo sumɔɔɔ ni aleɔ amɛ loo atsĩɔ amɛgbɛ́i atã po. Odasefonyo fɛɛ Odasefonyo kɛ ebe, ehewalɛ, kɛ enibii fiɔ wɔjeŋ muu fɛɛ nitsumɔ lɛ sɛɛ bɔ ni enyɛmɔ kɛ eshihilɛ baaŋmɛ lɛ gbɛ.2 Korintobii 9:7.

Te nyɛfeɔ tɛŋŋ nyɛleɔ nyɛteŋ mɛi abɔ ni kɛ hiɛdɔɔ shiɛɔ lɛ?

Daa nyɔɔŋ lɛ, Yehowa Odasefoi lɛ ateŋ mɔ fɛɛ mɔ buɔ eshiɛmɔ nitsumɔ lɛ he akɔntaa ehãa asafo ni eyɔɔ mli lɛ. Anyɛɛɛ mɔ ko nɔ yɛ enɛ feemɔ mli.

Asafo fɛɛ asafo buɔ eshiɛlɔi lɛ ashiɛmɔ nitsumɔ lɛ he akɔntaa kɛmajeɔ asafo lɛ nitsumɔhe nine ni yɔɔ maŋ nɔ ni amɛyɔɔ. Nitsumɔhe nine lɛ buaa maŋ muu lɛ fɛɛ loo shikpɔŋkuku ni ekwɛɔ nɔ lɛ shiɛmɔ akɔntaabuu lɛ naa, ni ekɛmajeɔ wɔjeŋ muu fɛɛ nitsumɔhe yitso lɛ.

Yɛ sɔɔmɔ afi * lɛ eko fɛɛ eko naagbee lɛ, atsɔɔ maŋ fɛɛ maŋ kɛ Odasefoi ayibɔ ni shiɛ yɛ afi lɛ mli. Abuaa yibɔi nɛɛ fɛɛ naa kɛleɔ Yehowa Odasei abɔ ni yɔɔ jeŋ fɛɛ. Akalaa maŋ fɛɛ maŋ nɔ shiɛmɔ nitsumɔ lɛ he akɔntaabuu, kɛ shiɛmɔ nitsumɔ lɛ mli niiashikpamɔi ni aná lɛ awoɔ wolo ni ji Yearbook of Jehovah’s Witnesses lɛ mli. Amaniɛbɔi nɛɛ woɔ wɔ hewalɛ, tamɔ bɔ nɔŋŋ ni ewo mra beiaŋ Kristofoi lɛ hewalɛ lɛ.Bɔfoi 2:41; 4:4; 15:3.

Ani nyɛkaneɔ mɛi hu ni kɛ nyɛsafo lɛ bɔɔ, shi amɛshiɛɛɛ lɛ?

Eyɛ mli akɛ wɔkaneee mɛi nɛɛ moŋ, shi wɔhereɔ amɛ hiɛmɛɛ yɛ wɔsafoi lɛ amli. Amɛteŋ mɛi babaoo baa Kristo gbele lɛ Kaimɔ ni wɔfeɔ lɛ daa afi lɛ eko, no hewɔ lɛ, yɛ gbɛ ko nɔ lɛ kɛ́ ajie Yehowa Odasefoi lɛ ayibɔ yɛ mɛi abɔ ni ba Kaimɔ lɛ mli lɛ, abaana mɛi ni kɛ wɔ bɔɔ shi amɛshiɛɛɛ lɛ ayibɔ. Yɛ afi 2015 lɛ, mɛi 19,862,783 ba Kaimɔ lɛ.

Mɛi komɛi hu yɛ ni amɛbaaa asafoŋ kpeei ni wɔfeɔ lɛ eko, shi amɛkpɛlɛɔ ni wɔkɛ amɛ kaseɔ Biblia lɛ yɛ shĩa, ni amɛnáa he sɛɛ. Yɛ afi 2015 lɛ, daa nyɔɔŋ lɛ wɔkɛ mɛi aaafee 9,708,968 kaseɔ Biblia lɛ, yɛ ekomɛi amli lɛ akɛ aŋkroaŋkroi srɔtoi kase nii yɛ be kome too lɛ nɔŋŋ mli.

Mɛni hewɔ kɛ́ nɔyeli lɛ kane Odasefoi lɛ, yibɔ ni enáa lɛ fa fe yibɔ ni Odasefoi lɛ kɛhãa lɛ?

Bɔ ni nɔyeli lɛ feɔ ekaneɔ mɛi ji, ebiɔ mɛi lɛ koni amɛtsɔɔ jamɔ kuu ni amɛkɛbɔɔ. Akɛ nɔkwɛmɔnɔ lɛ, Amerika nitsumɔhe ni kaneɔ mɛi lɛ “biɔ mɛi lɛ koni amɛtsɔɔ jamɔ kuu ni amɛnuɔ he akɛ amɛji emli nyo.” Kɛ̃lɛ, amɛkɛfata he akɛ, yibɔ ni aná lɛ bafeɔ “nɔ ni asusuɔ akɛ no ji yibɔ lɛ, shi jeee ni akane mɛi lɛ diɛŋtsɛ.” Nɔ ni tamɔɔɔ nakai, mɛi pɛ ni wɔkaneɔ akɛ Yehowa Odasefoi ji mɛi shiɛɔ amɛhãa mɛi krokomɛi, ni amɛbuɔ amɛshiɛmɔ lɛ he akɔntaa lɛ, jeee mɛi ni kɛɔ akɛ amɛji Odasefoi.

^ kk. 2 Sɔɔmɔ afi lɛ jeɔ shishi kɛjɛɔ September 1 ni egbeɔ naa August 31 yɛ afi ni nyiɛ sɛɛ nɔ. Akɛ nɔkwɛmɔnɔ lɛ, 2015 sɔɔmɔ afi lɛ je shishi kɛjɛ September 1, 2014, kɛyashi August 31, 2015.

^ kk. 16 Sɔɔmɔ afi lɛ jeɔ shishi kɛjɛɔ September 1 ni egbeɔ naa August 31 yɛ afi ni nyiɛ sɛɛ nɔ. Akɛ nɔkwɛmɔnɔ lɛ, 2015 sɔɔmɔ afi lɛ je shishi kɛjɛ September 1, 2014, kɛyashi August 31, 2015.