Shi kɛya he ni ato saneyitsei lɛ anaa yɛ lɛ

Kɛ́ Yehowa Odasefoi Kɛ Mi Kase Biblia Lɛ, Ani No Tsɔɔ Doo Akɛ Esa Akɛ Matsɔ Odasefonyo?

Kɛ́ Yehowa Odasefoi Kɛ Mi Kase Biblia Lɛ, Ani No Tsɔɔ Doo Akɛ Esa Akɛ Matsɔ Odasefonyo?

Dabi, etsɔɔɔ doo akɛ obatsɔ Odasefonyo. Mɛi akpekpei abɔ nyaa Biblia lɛ ni wɔkɛ amɛ kaseɔ lɛ he, shi amɛbatsɔmɔɔɔ Odasefoi. * Yiŋtoo hewɔ ni wɔkɛ mɛi kaseɔ nii ji, ni wɔhã amɛle nɔ ni Biblia lɛ tsɔɔ. Bo obaakpɛ oyiŋ yɛ nɔ ni okɛ nɔ ni okase lɛ baafee. Wɔshiɔ wɔhãa aŋkro fɛɛ aŋkro ni ehala akɛ ebaasɔmɔ Nyɔŋmɔ loo efeŋ nakai.​—Yoshua 24:15.

Ani manyɛ mikɛ mi Biblia lɛ atsu nii kɛ́ akɛ mi miikase nii?

Hɛɛ. Eyɛ mli akɛ wɔsumɔɔ ni wɔkɛ Ŋmalɛ Krɔŋkrɔŋ Lɛ Jeŋ Hee Shishitsɔɔmɔ lɛ ni akɛ ŋmɛnɛŋmɛnɛ beiaŋ wiemɔi etsɔɔ shishi lɛ atsu nii, ni kɛ́ oosumɔ hu lɛ wɔbaanyɛ wɔhã bo eko ni owooo he nyɔmɔ moŋ, shi kɛ́ oosumɔ ni okɛ bo diɛŋtsɛ o-Biblia atsu nii lɛ egbaŋ wɔnaa. Obaanyɛ ole hiɛnɔkamɔ kɛ yiwalaheremɔ he sane ni yɔɔ Biblia lɛ mli lɛ yɛ Biblia shishitsɔɔmɔi babaoo ni yɔɔ lɛ amli.

Mɛni hewɔ nyɛkɛ mɛi kaseɔ nii kɛ́ jeee doo akɛ amɛbatsɔmɔ Odasefoi lɛ?

  • Suɔmɔ ni wɔyɔɔ kɛhã Yehowa Nyɔŋmɔ, mɔ ni miisumɔ ni Kristofoi atsɔɔ mɛi nibii ni amɛkase lɛ, ji yiŋtoo titri hewɔ ni wɔkɛ mɛi kaseɔ Biblia lɛ. (Mateo 22:37, 38; 28:19, 20) Wɔheɔ wɔyeɔ akɛ eji hegbɛ ni nɔ bɛ akɛ wɔbaafata Nyɔŋmɔ he akɛ ‘enanemɛi nitsulɔi’ ni wɔye wɔbua mɛi krokomɛi koni amɛbale nɔ ni e-Wiemɔ lɛ tsɔɔ.​—1 Korintobii 3:​6-9.

  • Suɔmɔ ni wɔyɔɔ kɛhã wɔnyɛmi gbɔmɔ lɛ hu tsirɛɔ wɔ ni wɔkɛ mɛi kaseɔ nii. (Mateo 22:39) Kɛ́ wɔtsɔɔ mɛi nibii kpakpai ni wɔkase lɛ, wɔnáa miishɛɛ.​—Bɔfoi 20:35.

^ kk. 2 Yɛ afi 2018 lɛ, daa nyɔɔŋ lɛ wɔkɛ mɛi 10,079,709 kase Biblia lɛ, ni yɛ enɛ mli po lɛ wɔkɛ mɛi fe ekome kase nii yɛ be kome too mli. Kɛ̃lɛ, mɛi 281,744 pɛ kɛ amɛhe hã ni abaptisi amɛ akɛ Yehowa Odasefoi yɛ nakai afi lɛ mli.