Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Ani Nyɛkɛ Mɛi ni Tsutsu Ko lɛ Amɛyɔɔ Nyɛjamɔ lɛ Mli lɛ Ebɔɔɔ?

Ani Nyɛkɛ Mɛi ni Tsutsu Ko lɛ Amɛyɔɔ Nyɛjamɔ lɛ Mli lɛ Ebɔɔɔ?

Wɔtsiii wɔhe kɛjɛɛɛ mɛi ni abaptisi amɛ akɛ Yehowa Odasefoi shi amɛshiɛɛɛ dɔŋŋ, ni ekolɛ amɛmiikpa Yehowa Odasefoi kɛbɔɔ po lɛ ahe. Anɔkwa, wɔbɛŋkɛɔ amɛ, ni wɔbɔɔ mɔdɛŋ akɛ wɔbaatsĩɛ miishɛɛ ni kulɛ amɛyɔɔ yɛ Yehowa mli lɛ hiɛ.

Ekpakpa ko dani ajieɔ mɔ ko ni efee efɔŋ ni yɔɔ hiɛdɔɔ lɛ kɛjɛɔ asafo lɛ mli akɛ ejeee Yehowa Odasefonyo dɔŋŋ, loo ashwieɔ lɛ. Kɛ́ mɔ ko ni abaptisi lɛ akɛ Odasefonyo lɛ kɛfee esu akɛ ekuɔ Biblia jeŋba he mlai amli, ni etsakeee etsui lɛ, Odasefoi lɛ baatsi amɛhe kɛjɛ ehe loo abaajie lɛ yɛ asafo lɛ mli. Biblia lɛ wie lɛ faŋŋ akɛ: “Nyɛjiea mɔ fɔŋ lɛ yɛ nyɛteŋ.1 Korintobii 5:13.

Ni kɛ́ ajie nuu ko yɛ asafo lɛ mli, ni eŋa kɛ ebii kã he amɛji Yehowa Odasefoi hu? Jamɔŋ tsakpãa ni yɔɔ ekɛ eweku lɛ mli bii lɛ ateŋ lɛ tsakeɔ, shi wekukpãa lɛ tsakeee. Gbãla tsakpãa lɛ kɛ nibii krokomɛi ni afeɔ yɛ weku lɛ mli kɛjieɔ suɔmɔ kɛ mɔhesusumɔ kpo lɛ tsakeee.

Mɛi ni ajie amɛ kɛjɛ asafo lɛ mli lɛ baanyɛ amɛba wɔjamɔŋ kpeei ni wɔfeɔ lɛ ashishi. Kɛ́ amɛmiisumɔ hu lɛ, asafoŋ onukpai lɛ baanyɛ ajɛ ŋmalɛi lɛ amli awo amɛ ŋaa. Yiŋtoo hewɔ ni afeɔ enɛ lɛ ji, koni aye abua aŋkroaŋkroi lɛ bɔni afee ni amɛshɛ taomɔnii kɛha Yehowa Odasefonyo tsɔmɔ lɛ he ekoŋŋ. Kɛ́ ajie mɔ ko yɛ asafo lɛ mli, ni sɛɛ mli lɛ ekwa ejeŋba gbohii lɛ, ni ejɛ etsuiŋ ekɛ enifeemɔ tsɔɔ akɛ eesumɔ koni ehi shi yɛ Biblia gbɛtsɔɔmɔi anaa lɛ, akpɛlɛɔ enɔ ekoŋŋ akɛ Yehowa Odasefonyo.

Ekrokromɛi Hu Nɛ

Kpɛlɛmɔ Yehowa Tsɔsemɔ Nɔ Daa

Mɛɛ gbɛ nɔ eshafeelɔ ni etsake etsui lɛ naìa Nyɔŋmɔ tsɔsemɔ ni suɔmɔ yɔɔ mli lɛ he sɛɛ?