Shi kɛya he ni ato saneyitsei lɛ anaa yɛ lɛ

Namɛi Ji Yehowa Odasefoi Agbɛtsɔɔmɔ Kuu Lɛ?

Namɛi Ji Yehowa Odasefoi Agbɛtsɔɔmɔ Kuu Lɛ?

Kristofoi fioo ko ni edara yɛ mumɔŋ ni kɛ gbɛtsɔɔmɔ hãa Yehowa Odasefoi yɛ jeŋ fɛɛ lɛ ji mɛi ni feɔ Gbɛtsɔɔmɔ Kuu lɛ. Amɛnitsumɔ lɛ hiɛ fai enyɔ:

  • Amɛkwɛɔ ni ajɛɔ Biblia lɛ mli akalaa woji, afeɔ vidioi, atoɔ kpeei ahe gbɛjianɔ, ni afeɔ skul srɔtoi ahãa Yehowa Odasefoi.​—Luka 12:42.

  • Amɛkwɛɔ nitsumɔ ni Yehowa Odasefoi tsuɔ yɛ jeŋ fɛɛ lɛ nɔ, no ji akɛ amɛkɛ gbɛtsɔɔmɔi hãa yɛ wɔshiɛmɔ nitsumɔ lɛ he, ni amɛtsɔɔ bɔ ni akɛ oniai kɛ nibii krokomɛi ni mɛi kɛkeɔ asafo lɛ atsu nii ahã.

Yɛ klɛŋklɛŋ afii oha lɛ mli lɛ, “Bɔfoi lɛ kɛ onukpai” lɛ ni hi Yerusalem lɛ kpɛɔ yiŋ ni he hiaa waa kɛhãa Kristofoi asafo lɛ fɛɛ, ni ŋmɛnɛ lɛ, Gbɛtsɔɔmɔ Kuu lɛ nyiɛɔ nakai nɔkwɛmɔnɔ lɛ sɛɛ. (Bɔfoi 15:2) Nakai hii anɔkwafoi lɛ, ni ji bɔfoi lɛ kɛ onukpai lɛ sɔmɔɔɔ akɛ hiɛnyiɛlɔi yɛ Kristofoi asafo lɛ mli, nakai nɔŋŋ Gbɛtsɔɔmɔ Kuu lɛ hu jeee hiɛnyiɛlɔi yɛ Yehowa asafo lɛ mli ŋmɛnɛ. Amɛnyiɛɔ gbɛtsɔɔmɔi ni yɔɔ Biblia lɛ mli lɛ asɛɛ, ni amɛkpɛlɛɔ nɔ akɛ Yehowa Nyɔŋmɔ ehala Yesu Kristo akɛ asafo lɛ Yitso.​—1 Korintobii 11:3; Efesobii 5:​23.

Namɛi ji Gbɛtsɔɔmɔ Kuu lɛ mli bii lɛ?

Be ni January 2018 shɛɔ lɛ, mɛi ni yɔɔ Gbɛtsɔɔmɔ Kuu lɛ mli ji Kenneth Cook, Jr., Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, kɛ David Splane. Amɛsɔmɔɔ yɛ wɔnitsumɔhe yitso ni yɔɔ Warwick, yɛ New York, yɛ U.S.A.

Te ato Gbɛtsɔɔmɔ Kuu lɛ he gbɛjianɔ ahã tɛŋŋ?

Gbɛtsɔɔmɔ Kuu lɛ eto ajinafoi akui ekpaa koni amɛkwɛ wɔnitsumɔi srɔtoi lɛ anɔ, ni amɛteŋ mɛi komɛi sɔmɔɔ yɛ ajinafoi akui nɛɛ fe ekome mli.

  • Nɔkwɛlɔi Ajinafoi Akuu: Amɛkwɛɔ mla saji anɔ, ni kɛ́ oshara ba he ko lɛ, amɛkwɛɔ ni atsuɔ he nii, amɛyeɔ amɛbuaa wɔnyɛmimɛi ni aawa amɛyi yɛ amɛhemɔkɛyeli lɛ hewɔ lɛ, ni amɛkwɛɔ Yehowa Odasefoi ahe saji krokomɛi ni biɔ ni atsu he nii oya nɔŋŋ lɛ.

  • Ajinafoi Akuu Ni Kwɛɔ Betel Nitsulɔi Anɔ: Amɛkwɛɔ koni ato Betel weku lɛ mli bii lɛ ahe gbɛjianɔ.

  • Wolo Kalamɔ Ajinafoi Akuu: Amɛkwɛɔ ni akalaa woji ni akɛkaseɔ Biblia lɛ ni akɛmajeɔ, amɛkwɛɔ hu ni amamɔɔ kpeei hei, wiemɔ shishitsɔɔmɔ ɔfisii kɛ nitsumɔhe niji.

  • Sɔɔmɔ Nitsumɔ Ajinafoi Akuu: Amɛkwɛɔ “Maŋtsɛyeli lɛ he sane kpakpa” lɛ ni wɔshiɛɔ lɛ nɔ.​—Mateo 24:14.

  • Nitsɔɔmɔ Ajinafoi Akuu: Amɛkwɛɔ ni atoɔ mumɔŋ niyenii ni atsɔɔ wɔkpeei lɛ, wɔskul srɔtoi lɛ, nibii ni atswaa aboɔ toi lɛ, kɛ vidioi lɛ anɔ akɛhãa wɔ lɛ ahe gbɛjianɔ.

  • Niŋmaa Ajinafoi Akuu: Amɛkwɛɔ ni atoɔ mumɔŋ niyenii he gbɛjianɔ kɛtsɔ woji, wɛbsaiti lɛ, kɛ wiemɔ shishitsɔɔmɔ nɔ.

Yɛ nitsumɔi nɛɛ ni Gbɛtsɔɔmɔ Kuu lɛ tsuɔ lɛ sɛɛ lɛ, amɛkpeɔ shi kome daa otsi kɛsusuɔ Yehowa asafo lɛ hiamɔ nii ahe. Yɛ kpee nɛɛ shishi lɛ, amɛsusuɔ nɔ ni Ŋmalɛ lɛ ekɛɛ lɛ he, ni amɛhãa mumɔ krɔŋkrɔŋ lɛ tsɔɔ amɛ gbɛ koni amɛnyɛ amɛkpã gbee yɛ saji ahe.​—Bɔfoi 15:25.

Namɛi ji yelikɛbualɔi kɛhã Gbɛtsɔɔmɔ Kuu lɛ?

Amɛji Kristofoi ni amuɔ afɔ̃ɔ amɛnɔ ni yeɔ amɛbuaa Gbɛtsɔɔmɔ Kuu lɛ ajinafoi akui lɛ. (1 Korintobii 4:2) Amɛle nitsumɔ ni ajinafoi akuu ni amɛyɔɔ mli lɛ kwɛɔ nɔ lɛ jogbaŋŋ, ni daa otsi lɛ amɛyaa kpee ni amɛkuu lɛ feɔ lɛ eko. Eyɛ mli akɛ amɛfataaa he ni akpɛɔ yiŋ lɛ moŋ, shi amɛkɛ ŋaawoi kɛ saji krokomɛi ni yeɔ ebuaa hãa, amɛkwɛɔ koni akɛ yiŋ ni ajinafoi akuu lɛ ekpɛ lɛ atsu nii, ni amɛkwɛɔ nɔ ni baajɛ yiŋ ni akpɛ lɛ kɛnitsumɔ mli kɛba. Bei komɛi lɛ, Gbɛtsɔɔmɔ Kuu lɛ tsuɔ amɛ koni amɛyasara wɔnyɛmimɛi ni yɔɔ je lɛŋ hei srɔtoi lɛ, loo koni amɛyahã wiemɔi yɛ nifeemɔi tamɔ daa afi kpee lɛ loo Gilead gradueshɛŋ ashishi.

YELIKƐBUALƆI

Ajinafoi Akuu

Gbɛ́i

Nɔkwɛlɔi Ajinafoi Akuu

  • Ekrann, John

 

Ajinafoi Akuu ni Kwɛɔ Betel Nitsulɔi Anɔ

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Wolo Kalamɔ Ajinafoi Akuu

  • Adams, Don

  • Butler, Robert

  • Corkern, Harold

  • Glockentin, Gajus

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Sɔɔmɔ Nitsumɔ Ajinafoi Akuu

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Weaver, Leon, Jr.

 

Nitsɔɔmɔ Ajinafoi Akuu

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Niŋmaa Ajinafoi Akuu

  • Ciranko, Robert

  • Mantz, James

  • Marais, Izak

  • Myers, Leonard

  • Smalley, Gene

  • van Selm, Hermanus