Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Te Onaa Wɔsɛɛ Ohãa Tɛŋŋ?

Te Onaa Wɔsɛɛ Ohãa Tɛŋŋ?

Ani wɔjeŋ nɛɛ shihilɛ lɛ . . .

  • baahi shi nɛkɛ nɔŋŋ?

  • mli baawo wu?

  • baahi?

 NƆ NI BIBLIA LƐ KƐƆ

“Nyɔŋmɔ . . . [baatsumɔ] amɛhiŋmɛiiaŋ yaafonui fɛɛ, ni gbele bɛ dɔŋŋ, ni mɔ ko yeŋ awerɛho dɔŋŋ, ni mɔ ko woŋ yara ko hu dɔŋŋ, ni mɔ ko hu piŋŋ dɔŋŋ. Tsutsu nibii lɛ eho etee.”​—Kpojiemɔ 21:3, 4, Jeŋ Hee Shishitsɔɔmɔ.

BƆ NI OBAANYƐ ONÁ HE SƐƐ

Nitsumɔ kpakpa ni hãa mɔ tsui nyɔɔ emli.​—Yesaia 65:21-23.

Hela loo amanehulu ko kwraa ehiŋ shi dɔŋŋ.​—Yesaia 25:8; 33:24.

Okɛ owekumɛi kɛ onanemɛi baahi shi yɛ miishɛɛ mli daa.​—Lala 37:11, 29.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi enyɔ ahewɔ:

  • Nyɔŋmɔ yɛ nyɛmɔ ni ekɛbaahã eshiwoo lɛ aba mli. Yehowa Nyɔŋmɔ pɛ atsɛɔ lɛ “Ofe” yɛ Biblia lɛ mli, ejaakɛ husu bɛ ehewalɛ lɛ he. (Kpojiemɔ 15:3) No hewɔ lɛ, ebaaye shi ni ewo akɛ ebaahã je lɛŋ shihilɛ ahi lɛ nɔ, nɔ ko bɛ ni baanyɛ atsĩ enaa. Tamɔ bɔ ni Biblia lɛ kɛɔ lɛ, “Nyɔŋmɔ nyɛɔ nii fɛɛ efeɔ.”​—Mateo 19:26.

  • Nyɔŋmɔ yɛ shwelɛ akɛ ehã eshiwoo lɛ aba mli. Akɛ nɔkwɛmɔnɔ lɛ, Yehowa ‘miishwe’ ni ekɛ mɛi ni egboi lɛ aku sɛɛ aba wala mli ekoŋŋ.​—Hiob 14:14, 15.

    Biblia lɛ hu tsɔɔ akɛ Yesu, ni ji Nyɔŋmɔ Bi lɛ, tsa helatsɛmɛi. Mɛni hewɔ efee nakai? Ejaakɛ eesumɔ. (Marko 1:40, 41) Yesu jie bɔ ni e-Tsɛ lɛ yɔɔ lɛ kpo kɛmɔ shi kɛtsɔ shwelɛ ni eyɔɔ akɛ ebaaye ebua mɛi ni ehia amɛ lɛ nɔ.​—Yohane 5:19.

    No hewɔ lɛ, wɔbaanyɛ wɔná nɔmimaa akɛ Yehowa kɛ Yesu fɛɛ miisumɔ ni amɛye amɛbua wɔ ni wɔná wɔsɛɛ shihilɛ ni yɔɔ miishɛɛ!​—Lala 72:12-14; 145:16; 2 Petro 3:9.

 KƐHÃ HESUSUMƆ

Mɛɛ gbɛ nɔ Nyɔŋmɔ baatsɔ ehã wɔjeŋ nɛɛ shihilɛ ahi?

Biblia lɛ hãa nakai sanebimɔ lɛ hetoo yɛ MATEO 6:9, 10DANIEL 2:44.