Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 NIKASEMƆ 17

Kɛ́ Oooná Naanyo Lɛ, Esa Akɛ Otsɔ Naanyo

Kɛ́ Oooná Naanyo Lɛ, Esa Akɛ Otsɔ Naanyo

Naanyobɔɔ damɔ suɔmɔ nɔ. Babaoo ni okaseɔ Yehowa he nii lɛ, babaoo hu ni osuɔmɔ ni oyɔɔ kɛha lɛ lɛ mli waa ji no. Beni osuɔmɔ kɛha Nyɔŋmɔ lɛ mli waa lɛ, bɔ ni oshweɔ ni osɔmɔ lɛ lɛ hu mli baawa. Enɛ baatsirɛ bo koni obatsɔ Yesu Kristo kaselɔ. (Mateo 28:19) Kɛ́ obatsɔ Yehowa Odasefoi aweku ni yɔɔ miishɛɛ lɛ mlinyo lɛ, onine baanyɛ ashɛ Nyɔŋmɔ naanyobɔɔ nɔ kɛya naanɔ. Mɛni esa akɛ ofee?

Esa akɛ ojie osuɔmɔ kpo otsɔɔ Nyɔŋmɔ kɛtsɔ emlai lɛ atoiboo nɔ. “Enɛ ji Nyɔŋmɔ suɔmɔ lɛ, akɛ wɔye ekitãi lɛ anɔ; ni ekitãi lɛ waaa.”—1 Yohane 5:3.

Okɛ nɔ ni okaseɔ lɛ atsu nii. Yesu gba sane ko ni tsɔɔ enɛ mli. Nuu nilelɔ ko ma etsũ yɛ tɛsaa nɔ. Nuu kwashia ko ma etsũ yɛ shia nɔ. Beni ahum kpeteŋkpele ko ba lɛ, tsũ ni ama yɛ tɛsaa nɔ lɛ kumɔɔɔ, shi tsũ ni ama yɛ shia nɔ lɛ kumɔ kɛ gbɛɛmɔ kpele. Yesu kɛɛ akɛ mɛi ni boɔ etsɔɔmɔi lɛ atoi ni amɛyeɔ nɔ lɛ tamɔ nuu nilelɔ ni ma etsũ yɛ tɛsaa nɔ lɛ. Shi mɛi ni boɔ etsɔɔmɔi lɛ atoi shi amɛyeee nɔ lɛ tamɔ nuu kwashia lɛ ni ma etsũ yɛ shia nɔ lɛ. Mɛɛ nuu nɛkɛ otaoɔ ni otsɔ?—Mateo 7:24-27.

 Henɔjɔɔmɔ. Enɛ tsɔɔ akɛ obaaya Yehowa ŋɔɔ yɛ sɔlemɔ mli, ni okɛɛ lɛ akɛ oosumɔ ni ofee esuɔmɔnaa nii kɛya naanɔ. Nyɔŋmɔ suɔmɔnaa nii ni ooofee lɛ tsɔɔ akɛ oji Yesu Kristo kaselɔ.—Mateo 11:29.

Baptisimɔ. “Oha abaptisio, ni afɔ ohe eshai lɛ ashwie ahao, ni obó otsɛ́ Nuntsɔ lɛ gbɛi.”—Bɔfoi lɛ Asaji 22:16.

Okɛ ohe awo Nyɔŋmɔ sɔɔmɔ mli kwraa. “Nɔ fɛɛ nɔ ni nyɛfeɔ lɛ, nyɛjiea nyɛmusuŋ nyɛtsua, taakɛ [Yehowa, NW] nyɛtsuɔ nyɛhaa ni jeee gbɔmɛi.”—Kolosebii 3:23.