Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 NIKASEMƆ 12

Mɛni Baa Yɛ Gbele Mli?

Mɛni Baa Yɛ Gbele Mli?

Gbele ji wala sɛɛsɛɛ. Gbele tamɔ wɔ̀ ni tsii. (Yohane 11:11-14) Gbohii lɛ nyɛɛɛ anu wiemɔ, amɛnaaa nii, amɛnyɛɛɛ amɛwie, aloo ni amɛaajwɛŋ nɔ ko he. (Jajelɔ 9:5, 10) Apasa jamɔ tsɔɔ akɛ gbohii lɛ yaa mumɔi ajeŋ ko mli koni amɛkɛ amɛ blemabii lɛ ayahi shi. Jeee nakai Biblia lɛ tsɔɔ.

Mɛi ni egboi lɛ nyɛŋ aye abua wɔ, ni amɛnyɛŋ amɛye wɔ awui. Nɔ ni gbɔmɛi fɔɔ feemɔ ji kusum nifeemɔi kɛ afɔleshaai ni amɛheɔ amɛyeɔ akɛ ebaasa mɛi ni egboi lɛ ahiɛ. Enɛ esaaa Nyɔŋmɔ hiɛ ejaakɛ edamɔ Satan amalei lɛ ekome nɔ. Enyɛŋ esa gbohii lɛ ahiɛ hu, ejaakɛ wala ko bɛ amɛmli. Esaaa akɛ wɔsheɔ gbohii lɛ agbeyei loo wɔjáa amɛ. Esa akɛ wɔjá Nyɔŋmɔ pɛ.—Mateo 4:10.

Gbohii lɛ baaba wala mli ekoŋŋ. Yehowa baatee gbohii lɛ ashi kɛba wala mli yɛ paradeiso shikpɔŋ nɔ. Nakai be lɛ yɛ wɔsɛɛ. (Yohane 5:28, 29; Bɔfoi lɛ Asaji 24:15) Nyɔŋmɔ baanyɛ atée mɛi ni egboi lɛ ashi tamɔ bɔ ni yɛ anɔkwale mli lɛ obaanyɛ otsĩɛ mɔ ko hiɛ kɛjɛ wɔ̀ mli lɛ.—Marko 5:22, 23, 41, 42.

Jwɛŋmɔ ni ahiɛ akɛ wɔgbooo lɛ ji amale ni Satan Abonsam gbɛɔ eshwãa. Satan kɛ edaimonioi lɛ haa gbɔmɛi susuɔ akɛ gbohii lɛ amumɔi yɛ wala mli ni amɛkɛ helai kɛ naagbai krokomɛi baa. Satan lakaa mɛi, yɛ bei komɛi amli lɛ kɛtsɔ lamɔi loo ninaai anɔ. Yehowa buɔ mɛi ni bɔɔ mɔdɛŋ akɛ amɛkɛ gbohii lɛ aaawie lɛ fɔ.—5 Mose 18:10-12.