Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 NIKASEMƆ 16

Jiemɔ Suɔmɔ Ni Oyɔɔ Kɛhã Nyɔŋmɔ Lɛ Kpo

Jiemɔ Suɔmɔ Ni Oyɔɔ Kɛhã Nyɔŋmɔ Lɛ Kpo

Bɔni afee ni naanyo lɛ kɛ bo ahi shi lɛ, ehe miihia ni okɛ lɛ awie. Oboɔ lɛ toi, ni lɛ hu eboɔ bo toi. Owieɔ onaanyo lɛ he ekpakpa hu otsɔɔ mɛi krokomɛi. Nakai nɔŋŋ eji yɛ Nyɔŋmɔ naanyo ni oji lɛ gbɛfaŋ. Susumɔ nɔ ni Biblia lɛ wieɔ yɛ enɛ he lɛ he okwɛ:

Okɛ Yehowa awie daa yɛ sɔlemɔ mli. “Nyɛhiɛa sɔlemɔ mli daa.”—Romabii 12:12.

Kanemɔ Nyɔŋmɔ Wiemɔ ni ji Biblia lɛ. “Ŋmalɛ fɛɛ ŋmalɛ ni jɛ Nyɔŋmɔ Mumɔ lɛŋ lɛ ehi ha nitsɔɔmɔ kɛ hiɛkamɔ kɛ mɔ saamɔ.”—2 Timoteo 3:16.

Tsɔɔmɔ mɛi krokomɛi saji ni kɔɔ Nyɔŋmɔ he. “No hewɔ lɛ nyɛyaa ni nyɛyafea jeŋmaji fɛɛ mikaselɔi, . . . ni nyɛtsɔa amɛ ni amɛye nii fiaa ni mikɛɛ nyɛ lɛ nɔ.”—Mateo 28:19, 20.

 Okɛ Nyɔŋmɔ nanemɛi abɔ gbagbalii. “Mɔ ni kɛ nilelɔi nyiɛɔ lɛ, eeetsɔ nilelɔ.”—Abɛi 13:20.

Yaa kpeei yɛ Maŋtsɛyeli Asa lɛ nɔ. “Nyɛhaa wɔyɔseyɔsea wɔhe, koni wɔhiɛ adɔ suɔmɔ kɛ nitsumɔi kpakpai ahe, ni . . . wɔwowoo wɔhe ŋaa.”—Hebribii 10:24, 25.

Ye obua yɛ Maŋtsɛyeli nitsumɔ lɛ sɛɛfimɔ mli. “Mɔ fɛɛ mɔ aha bɔ ni ekpɛ mli momo yɛ etsui mli, ni ekajɛ ŋkɔmɔyeli aloo fimɔ mli: ejaakɛ tsuijurɔnaa halɔ Nyɔŋmɔ sumɔɔ.”—2 Korintobii 9:7.