Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 NIKASEMƆ 15

Nyɔŋmɔ Nanemɛi Feɔ Nɔ Ni Hi

Nyɔŋmɔ Nanemɛi Feɔ Nɔ Ni Hi

Kɛ́ oyɛ naanyo ko ni obuɔ lɛ ni okɛ woo haa lɛ lɛ, obɔɔ mɔdɛŋ ni otamɔ lɛ. Biblia lɛ kɛɔ akɛ: “Yehowa hi ni eja.” (Lala 25:8) Kɛji akɛ wɔɔnyɛ wɔfee Nyɔŋmɔ nanemɛi lɛ, esa akɛ wɔfee mɛi ni hi kɛ mɛi ni ja. Biblia lɛ kɛɔ akɛ: “Nyɛfea Nyɔŋmɔ kaselɔi tamɔ bii ni asumɔɔ, ni nyɛnyiɛa yɛ suɔmɔ mli.” (Efesobii 5:1, 2) Naa gbɛ̀i komɛi ni wɔɔtsɔ nɔ wɔfee nakai:

Ye obua mɛi krokomɛi. “Nyɛhaa wɔfea mɛi fɛɛ ejurɔ.”—Galatabii 6:10.

Tsu nii waa. “Julɔ lɛ ekaju dɔŋŋ, shi moŋ ebɔ mɔdɛŋ ni ekɛ eniji atsu nitsumɔ kpakpa.”—Efesobii 4:28.

Ha ohe atse yɛ gbɔmɔtsoŋ kɛ jeŋba mli. “Nyɛhaa wɔtsuua wɔhe kɛjɛa heloo kɛ mumɔ fɛɛ he muji mli, ni wɔgbe hetsemɔ naa yɛ Nyɔŋmɔ gbeyeishemɔ mli.”—2 Korintobii 7:1.

 Okɛ oweku lɛ mli bii aye yɛ suɔmɔ kɛ bulɛ mli. “Sa akɛ nyɛ hu nyɛteŋ mɔ fɛɛ mɔ asumɔ lɛ diɛŋtsɛ eŋa nakai, tamɔ lɛ diɛŋtsɛ ehe; koni ŋa lɛ hu ashe ewu. Nyɛ bii lɛ, nyɛboa nyɛfɔlɔi lɛ atoi.”—Efesobii 5:33–6:1.

Jiemɔ suɔmɔ kpo otsɔɔ mɛi krokomɛi. “Nyɛhaa wɔsumɔsumɔa wɔhe; ejaakɛ suɔmɔ lɛ Nyɔŋmɔ mli ejɛ.”—1 Yohane 4:7.

Bó maŋ lɛ mlai atoi. “Mɔ fɛɛ mɔ aba ehe shi aha [nɔyeli] hegbɛi ni yeɔ nɔ lɛ . . . Mɔ gbɛfaŋ ni ji onia lɛ, nyɛtsua onia; mɔ nɔ ni ji too lɛ, too.”—Romabii 13:1, 7.