Shi kɛya he ni ato saneyitsei lɛ anaa yɛ lɛ

Namɔ Diɛŋtsɛ Kudɔɔ Je Lɛ?

Namɔ Diɛŋtsɛ Kudɔɔ Je Lɛ?

Ani osusuɔ akɛ . . .

  • Nyɔŋmɔ?

  • adesai?

  • Satan?

 NƆ NI BIBLIA LƐ KƐƆ

“Mɔ Fɔŋ lɛ kudɔɔ jeŋ muu lɛ fɛɛ.”​—1 Yohane 5:19.

“Nyɔŋmɔ Bi lɛ ba . . . koni ebafite abonsam nitsumɔi lɛ.”​—1 Yohane 3:8, New Century Version.

BƆ NI OBAANYƐ ONÁ HE SƐƐ

Ehãa wɔnaa nɔ hewɔ ni naagbai pii yɔɔ je lɛ mli lɛ.​—Kpojiemɔ 12:12.

Ehãa wɔnáa hiɛnɔkamɔ akɛ je lɛŋ shihilɛ baahi gbi ko.​—1 Yohane 2:17.

 ANI WƆBAANYƐ WƆHE NƆ NI BIBLIA LƐ KƐƆ LƐ WƆYE LƐƐLƐŊ?

Hɛɛ, kɛ́ hooo lɛ yɛ yiŋtoi etɛ ahewɔ:

  • Abaakpãtã Satan nɔyeli lɛ hiɛ. Yehowa etswa efai shi akɛ ebaahã adesai aye amɛhe kɛje Satan kudɔmɔ shishi. Ewo shi akɛ ‘ebaakpãtã . . . Abonsam hiɛ’ ni ebaasaa nibii fɛɛ ni Satan efite lɛ.​—Hebribii 2:14, Jeŋ Hee Shishitsɔɔmɔ.

  • Nyɔŋmɔ ehala Yesu Kristo koni eye je lɛ nɔ. Yesu yɛ srɔto kwraa yɛ mɔ ni yeɔ je nɛɛ nɔ amrɔ nɛɛ ni foɔ ekome enɔ mli, ni yitsoŋ wa lɛ he. Nyɔŋmɔ wo shi yɛ Yesu maŋtsɛyeli lɛ he akɛ: “Ebaana mɔ ni bɛ yelikɛbualɔ lɛ kɛ ohiafo lɛ mɔbɔ . . . Ebaajie amɛ kɛje nɔnyɛɛ kɛ yiwalɛ mli.”​—Lala 72:13, 14.

  • Nyɔŋmɔ nyɛŋ amale. Biblia lɛ kɛɔ faŋŋ akɛ: “Nyɔŋmɔ nyɛŋ amale.” (Hebribii 6:18) Kɛ́ Yehowa wo shi akɛ ebaafee nɔ ko lɛ, etamɔ nɔ ni efee momo! (Yesaia 55:10, 11) “Abaafã je nɛɛ nɔyelɔ lɛ ashɛ afɔ̃.”​—Yohane 12:31.

 KƐHÃ HESUSUMƆ

Te je lɛŋ baafee tɛŋŋ be ni afã enɔyelɔ lɛ?

Biblia lɛ hãa nakai sanebimɔ lɛ hetoo yɛ LALA 37:10, 11KPOJIEMƆ 21:3, 4.