Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Fã 7 Hiɛkpamɔ Wiemɔ

Fã 7 Hiɛkpamɔ Wiemɔ

Saji ni yɔɔ fã nɛɛ mli lɛ he aaafee afii 80, ni amɛtee nɔ yɛ Maŋtsɛ Saul kɛ Maŋtsɛ David beiaŋ. No mli lɛ, Saul baa ehe shi ni esheɔ Nyɔŋmɔ gbeyei. Shi etsɛɛɛ ni etsake. Ekɛ Yehowa gbɛtsɔɔmɔi tsuuu nii dɔŋŋ. No hewɔ lɛ, Yehowa kpoo lɛ, ni sɛɛ mli lɛ, ehã Samuel fɔ David mu akɛ mɔ ni baaye Saul sɛɛ akɛ Israel maŋtsɛ. Saul ye David he awuŋa ni eka shii abɔ akɛ ebaagbe lɛ, shi David efeee lɛ nɔ ko kɛtseee. Saul binuu Yonatan le akɛ Yehowa ni hala David, no hewɔ lɛ, eye David anɔkwa. David fee eshai ni yɔɔ hiɛdɔɔ, shi be ni Yehowa tsɔse lɛ lɛ, ekpɛlɛ nɔ. Kɛ́ fɔlɔ ji bo lɛ, ye obua obi lɛ ni ena akɛ, ehe miihia ni wɔkɛ Nyɔŋmɔ gbɛjianɔtoi atsu nii be fɛɛ be.

YƐ FÃ NƐƐ MLI

NIKASEMƆ 39

Israel Klɛŋklɛŋ Maŋtsɛ Lɛ

Nyɔŋmɔ hã Israelbii lɛ kojolɔi koni amɛnyiɛ amɛhiɛ, shi amɛkɛɛ amɛmiitao maŋtsɛ. Afɔ Saul mu akɛ klɛŋklɛŋ maŋtsɛ, shi sɛɛ mli lɛ, Yehowa mli fu lɛ. Mɛni hewɔ?

NIKASEMƆ 40

David Kɛ Goliat

Yehowa hala David akɛ mɔ ni baaye Saul sɛɛ akɛ Israel maŋtsɛ, ni David fee nɔ ko ni hã ana akɛ Yehowa ehala mɔ ni sa.

NIKASEMƆ 41

David Kɛ Saul

Mɛni hewɔ hii nɛɛ ateŋ mɔ kome nyɛɔ mɔ kroko lɛ, ni te mɔ ni anyɛɔ lɛ lɛ fee enii ehã tɛŋŋ?

NIKASEMƆ 42

Yonatan Yɛ Ekãa Ni Eye Anɔkwa

David kɛ maŋtsɛ lɛ binuu batsɔmɔ nanemɛi kpakpai.

NIKASEMƆ 43

Maŋtsɛ David Fee Esha

Yiŋ gbonyo ko ni Maŋtsɛ David kpɛ lɛ kɛ naagbai pii ba.