Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Fã 14 Hiɛkpamɔ Wiemɔ

Fã 14 Hiɛkpamɔ Wiemɔ

Blema Kristofoi lɛ shiɛ Maŋtsɛyeli lɛ he sane kpakpa lɛ kɛyashi shikpɔŋ lɛ nɔ hei ni yɔɔ shɔŋŋshɔŋŋ lɛ. Yesu tsɔɔ amɛ hei ni amɛshiɛ yɛ, ni etsɔ naakpɛɛ gbɛ nɔ ewa amɛ koni amɛnyɛ amɛshiɛ amɛhã mɛi yɛ mɛi lɛ diɛŋtsɛ awiemɔ mli. Yehowa dro amɛ ekãa kɛ hewalɛ koni amɛnyɛ amɛdamɔ yiwaa ni naa wa naa.

Yesu hã bɔfo Yohane na ninai srɔtoi. Yɛ ekome mli lɛ, ena Yehowa anunyam lɛ. Yɛ ekroko mli lɛ, ena ni ŋwɛi Maŋtsɛyeli lɛ miiye Satan nɔ kunim ni eejie lɛ kɛmiijɛ shihilɛ mli kwraa. Yohane na ni awó Yesu Maŋtsɛ ni mɛi 144,000 lɛ fata ehe kɛmiiye nɔ. Agbɛnɛ hu, ena ni  shikpɔŋ muu lɛ fɛɛ etsɔ paradeiso, ni mɛi fɛɛ ni yɔɔ nɔ lɛ efee ekome kɛmiijá Yehowa yɛ toiŋjɔlɛ mli.

YƐ FÃ NƐƐ MLI

NIKASEMƆ 94

Kaselɔi Lɛ Ná Mumɔ Krɔŋkrɔŋ Lɛ

Mɛɛ naakpɛɛ nii mumɔ krɔŋkrɔŋ lɛ hã amɛnyɛ amɛfee?

NIKASEMƆ 95

Nɔ Ko Nɔ Ko Hãaa Amɛkpa

Jamɔŋ hiɛnyiɛlɔi lɛ ehã agbe Yesu. Amrɔ nɛɛ, amɛmiitao kaselɔi lɛ akpa shiɛmɔ shi amɛnyɛɛɛ.

NIKASEMƆ 96

Yesu Hala Saul

Saul sumɔɔɔ Kristofoi asane kwraa, shi nɔ ko hã etsake.

NIKASEMƆ 97

Mumɔ Krɔŋkrɔŋ Lɛ Ba Kornelio Nɔ

Mɛni hewɔ Nyɔŋmɔ tsu Petro akɛ eya nuu nɛɛ ni jeee Yudafonyo lɛ shĩa?

NIKASEMƆ 98

Ashiɛ Kristo He Sane Yɛ Maji Pii Anɔ

Bɔfo Paulo kɛ enanemɛi lɛ sɔmɔ akɛ maŋsɛɛ sɔɔlɔi, ni amɛkɛ sane kpakpa lɛ tee maji ni yɔɔ shɔŋŋshɔŋŋ lɛ anɔ.

NIKASEMƆ 99

Gboklɛfoi Akwɛlɔ Ko Bale Anɔkwale Lɛ

Mɛni hã awo Paulo kɛ Sila tsuŋ? Te fee tɛŋŋ gboklɛfoi akwɛlɔ lɛ bale anɔkwale lɛ?

NIKASEMƆ 100

Paulo Kɛ Timoteo

Paulo kɛ Timoteo fee ekome kɛtsu nii akɛ nanemɛi afii babaoo.

NIKASEMƆ 101

Akɛ Paulo Tee Roma

Gbɛfãa lɛ yɛ oshara waa, shi naagba ko bɛ ni baahã bɔfo nɛɛ nijiaŋ aje wui.

NIKASEMƆ 102

Kpojiemɔ Ni Akɛhã Yohane Lɛ

Yesu jie nibii ni baaba wɔsɛɛ lɛ ahe ninai srɔtoi etsɔɔ lɛ.

NIKASEMƆ 103

“O-Maŋtsɛyeli Lɛ Aba”

Kpojiemɔ ni akɛhã Yohane lɛ hãa wɔnaa jɔɔmɔi ni Nyɔŋmɔ Maŋtsɛyeli lɛ kɛbaaba shikpɔŋ lɛ nɔ.