Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 NIKASEMƆ 74

Yesu Batsɔ Mesia Lɛ

Yesu Batsɔ Mesia Lɛ

Yohane eshiɛ ehã mɛi ni ekɛɛ amɛ akɛ: ‘Mɔ ko ni nɔ kwɔ fe mi miiba.’ Be ni Yesu ye aaafee afii 30 lɛ, ejɛ Galilea eba Yordan Faa lɛ naa he ni Yohane baptisiɔ mɛi yɛ lɛ. Yesu ba koni Yohane abaptisi lɛ. Shi Yohane kɛɛ lɛ akɛ: ‘Jeee mi esa akɛ mabaptisi bo. Bo moŋ esa akɛ obaptisi mi.’ Yesu kɛɛ Yohane akɛ: ‘Yehowa miisumɔ ni obaptisi mi.’ No hewɔ lɛ, amɛbote Yordan Faa lɛ mli ni Yohane kɛ Yesu wo nu lɛ shishi.

Be ni Yesu je kpo yɛ nu lɛ mli lɛ, esɔle. Amrɔ nɔŋŋ lɛ, ŋwɛi naa gbele ni Nyɔŋmɔ mumɔ lɛ kpeleke shi tamɔ okpo kɛba Yesu nɔ. Kɛkɛ ni Yehowa jɛ ŋwɛi ewie akɛ: “Mɔ nɛ ji mi-Bi ni misumɔɔ lɛ lɛ, mɔ ni mikpɛlɛ enɔ lɛ.”

Be ni Yehowa mumɔ lɛ ba Yesu nɔ lɛ, ebatsɔ Kristo lɛ loo Mesia lɛ. Agbɛnɛ lɛ, be eshɛ ni ebaaje nitsumɔ ni Yehowa tsu lɛ kɛba shikpɔŋ lɛ nɔ koni ebatsu lɛ shishi.

Yesu baptisimɔ lɛ sɛɛ nɔŋŋ lɛ, etee ŋa lɛ nɔ ni eyaye gbii 40 yɛ jɛmɛ. Be ni eku esɛɛ lɛ, etee eyana Yohane. Be ni Yohane na Yesu lɛ, ewie akɛ: ‘Naa Nyɔŋmɔ Gwantɛŋbi lɛ ni baawó je lɛ he esha lɛ kɛya lɛ.’ Yohane wie nakai koni mɛi ana akɛ Yesu ji Mesia lɛ. Ani ole nɔ ni Yesu kɛkpe be ni etee ŋa lɛ nɔ lɛ? Hã wɔkwɛ.

“Gbee ko jɛ ŋwɛi kɛɛ: ‘Bo ji mi-Bi ni misumɔɔ lɛ lɛ; miná ohe miishɛɛ.’”​—Marko 1:11