Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

Paradeiso Shikpɔŋ Lɛ

Paradeiso Shikpɔŋ Lɛ

Yehowa baasaa nibii fɔji ni Satan efee lɛ fɛɛ kwraa kɛmɔ shi. Yehowa eto Yesu akɛ Maŋtsɛ yɛ shikpɔŋ muu lɛ fɛɛ nɔ. Abaafee shikpɔŋ muu lɛ fɛɛ paradeiso yɛ enɔyeli lɛ shishi.—Daniel 7:13, 14; Luka 23:43.

Yehowa ewo shi yɛ nibii nɛɛ ahe:

  • NIYENII BABAOO: “Shikpɔŋ lɛ eba enii; Naa-Nyɔŋmɔ ni ji wɔ-Nyɔŋmɔ lɛ aaajɔɔ wɔ.” “Shikpɔŋ lɛ nɔ aaaba abele babaoo kɛyashwie gɔji lɛ ayiteaŋ.”—Lala 67:7; 72:16.

  • TA BƐ DƆŊŊ: “Nyɛbaa nyɛbakwɛa Yehowa nitsumɔi lɛ, nɔ hiɛkpatamɔ ni eha eba shikpɔŋ lɛ nɔ lɛ! Ehaa tai asɛɛ foɔ kɛyaa shikpɔŋ lɛ naagbee hei lɛ.”—Lala 46:9, 10.

  • GBƆMƐI FƆJI BƐ DƆŊŊ: “Ejaakɛ efɔŋfeelɔi lɛ, aaafolɔ amɛ ashwie; . . . Eshwɛ fioo kɛkɛ ni mɔ fɔŋ lɛ bɛ dɔŋŋ, ni kɛ okwɛ eshihilɛ he lɛ, ebɛ jɛmɛ.”—Lala 37:9, 10.

  • HELA, ŊKƆMƆYELI, ALOO GBELE BƐ DƆŊŊ: “No mli lɛ aaagbele shwilafoi ahiŋmɛii, ni aaagbele toimulɔi atoii. No mli lɛ  obubuafoi aaatumɔ akɛ ofrote, ni mumui lilɛi hu aaala kɛ nyamɔ.”—Yesaia 35:5, 6.

    “Ni Nyɔŋmɔ diɛŋtsɛ kɛ amɛ aaahi shi. Ni Nyɔŋmɔ aaatsumɔ amɛhiɛaŋ yaafonui fɛɛ, ni gbele bɛ dɔŋŋ, ni ŋkɔmɔyeli ko kɛ bolɔmɔ ko kɛ nɔnaa ko hu bɛ dɔŋŋ; ejaakɛ tsutsu nii lɛ eho etee.”—Kpojiemɔ 21:3, 4.

Akɛ mɔ ni tamɔɔɔ Satan kɛ daimonioi lɛ, Yehowa maleee kɔkɔɔkɔ. Nɔ fɛɛ nɔ ni ewo shi yɛ he lɛ baaba mli anɔkwale. (Luka 1:36, 37) Yehowa sumɔɔ osane ni eesumɔ ni ohi shi yɛ Paradeiso ni ebaafee lɛ mli. No hewɔ lɛ taomɔ Yehowa Odasefoi lɛ koni okase anɔkwalei ni yɔɔ nyam ni anaa yɛ Nyɔŋmɔ Wiemɔ lɛ mli lɛ he nii babaoo. Kɛ okɛ anɔkwale lɛ tsu nii yɛ oshihilɛ mli lɛ, no lɛ obaaye ohe kɛjɛ amale, hemɔkɛyeli gbonyo, kɛ nilee ni abɛ he nomŋɔɔ lɛ mli. Yɛ be ni sa mli lɛ, abaajie bo kɛjɛ esha kɛ gbele nyɔŋyeli hu mli. Taakɛ Yesu kɛɛ lɛ: “Ni nyɛaale anɔkwale lɛ, ni anɔkwale lɛ aaaha nyɛye nyɛhe.”—Yohane 8:32.