Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 SANEBIMƆ 6

Mɛni Biblia lɛ Gba yɛ Mesia lɛ He?

Mɛni Biblia lɛ Gba yɛ Mesia lɛ He?

GBALƐ

“Bo, Betlehem Efrata, . . . omli mɔ ko aaajɛ aba ahã mi, ní ebatsɔ Israel nɔyelɔ.”

Mika 5:1

EMLIBAA

“Afɔ Yesu yɛ Betlehem ni yɔɔ Yudea lɛ, yɛ Maŋtsɛ Herode gbii lɛ amli, ni no sɛɛ lɛ, naa! ŋulamiiaŋkwɛlɔi jɛ Boka ba Yerusalem.”

Mateo 2:1

GBALƐ

“Amɛja mitadei lɛ amli amɛhã amɛhe, ni mihebo lɛ amɛfɔ̃ nɔ oshiki.”

Lala 22:19

EMLIBAA

“Agbɛnɛ, be ni asraafoi lɛ kala Yesu amɛkpɛtɛ tso jaŋŋ lɛ he lɛ, amɛkɔlɔ etadei anɔhaanɔi lɛ ni amɛjara mli ejwɛ . . . Shi etade ni ewoɔ yɛ etade shishi lɛ bɛ tsamɔhe, ejaakɛ alo kɛjɛ ŋwɛi kɛyi shi. No hewɔ lɛ, amɛkɛɛkɛɛ amɛhe akɛ: ‘Nyɛkahãa wɔgbalaa no mli, shi moŋ nyɛhãa wɔfɔ̃a nɔ oshiki kɛna mɔ nɔ ní ebaatsɔ.’”

Yohane 19:23, 24

 GBALƐ

“Ebaa ewui fɛɛ yi, amɛteŋ ekome folo ekuuu.”

Lala 34:21

EMLIBAA

“Be ni amɛshɛ Yesu nɔ lɛ, amɛna akɛ egbo momo, no hewɔ lɛ, amɛkumɔɔɔ enaji.”

Yohane 19:33

GBALƐ

“Apila lɛ yɛ wɔnɔtɔ̃mɔi lɛ ahewɔ.”

Yesaia 53:5

EMLIBAA

“Asraafoi lɛ ateŋ mɔ kome kɛ akplɔ tsu eŋmawuiaŋ, ni amrɔ lɛ lá kɛ nu jɛ mli ho.”

Yohane 19:34

GBALƐ

“Amɛŋmɛ jwiɛtɛi kukuji nyɔŋmai etɛ amɛkɛwo mi nyɔmɔ.”

Zakaria 11:12, 13

EMLIBAA

“Kɛkɛ ni Mɛi Nyɔŋma kɛ Enyɔ lɛ ateŋ mɔ kome ni atsɛɔ lɛ Yuda Iskariot lɛ tee osɔfoi tsiifoi lɛ aŋɔɔ ni eyakɛɛ: ‘Mɛni nyɛbaahã mi koni majie lɛ mahã nyɛ?’ Amɛkɛ lɛ kpaŋ akɛ amɛbaahã lɛ jwiɛtɛi kukuji nyɔŋmai etɛ.”

Mateo 26:14, 15; 27:5