Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 SANEBIMƆ 2

Te Ooofee Tɛŋŋ Okase Nyɔŋmɔ He Nii?

Te Ooofee Tɛŋŋ Okase Nyɔŋmɔ He Nii?

“Kaahã nɛkɛ mla wolo nɛɛ mli wiemɔi lɛ miikpa yɛ odaaŋ, shi jwɛŋmɔ he nyɔɔŋ kɛ shwane, koni ojwɛŋ nɔ ni ofee tamɔ bɔ ni aŋma yɛ mli lɛ pɛpɛɛpɛ; ejaakɛ no aaahã ofee nɔbatsɛ kɛ hiɛshikalɔ.”

Yoshua 1:8

“Amɛkane wolo lɛ ni ji Nyɔŋmɔ mla lɛ faŋŋ, ni amɛtsɔɔ shishi, koni anu nɔ ni akaneɔ lɛ shishi.”

Nehemia 8:8

“Ajɔɔ gbɔmɔ ni enyiɛɛɛ mɛi fɔji ajina mli, . . .  shi moŋ Yehowa mla lɛ he emii shɛɔ yɛ, ni emla lɛ he nɔŋŋ ejwɛŋɔ shwane kɛ nyɔɔŋ! . . .  Nɔ fɛɛ nɔ ni efeɔ lɛ shwereɔ.”

Lala 1:1-3

“Be ni Filipo joɔ foi yɛ shwiili lɛ he lɛ, enu ni piafonyo lɛ miikane gbalɔ Yesaia wolo lɛ, ni ekɛɛ: ‘Ani oonu nɔ ni okaneɔ lɛ shishi?’ Ni ekɛɛ: ‘Anɔkwa, te mafee tɛŋŋ manyɛ manu shishi akɛ ja mɔ ko tsɔɔ mi?’”

Bɔfoi 8:30, 31

 “Esui ni anaaa lɛ, ni ji enaanɔ hewalɛ kɛ Nyɔŋmɔ ni eji lɛ, kɛjɛ jeŋbɔɔ mli beebe lɛ anaa faŋŋ, ejaakɛ atsɔɔ nibii ni efee lɛ anɔ ayɔseɔ enɛɛmɛi, ni no hewɔ lɛ, amɛbɛ naajiemɔ ko.”

Romabii 1:20

“Jwɛŋmɔ nibii nɛɛ anɔ; okɛ ohe awo mli kwraa, koni mɛi fɛɛ ana ohiɛyaa faŋŋ.”

1 Timoteo 4:15

“Nyɛhãa wɔteŋ mɔ fɛɛ mɔ asusua enyɛmi he bɔ ni afee ni wɔkanyakanyaa wɔhe koni wɔjie suɔmɔ kpo ní wɔtsu nitsumɔi kpakpai, ni wɔkakwa kpe ni wɔkpeɔ kutuu lɛ.”

Hebribii 10:24, 25

“Kɛ́ hiɛshikamɔ ehia nyɛteŋ mɔ ko lɛ, eya nɔ ebi Nyɔŋmɔ, ejaakɛ eŋɔhãa mɛi fɛɛ faa, ni ewieee mɔ hiɛ, ni abaahã lɛ.”

Yakobo 1:5