Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

Biblia Woji Ahiɛkpamɔ Vidioi

Ezra Wolo lɛ Hiɛkpamɔ

Yehowa ye shi ni ewo akɛ ebaakpɔ̃ ewebii lɛ kɛje nomŋɔɔ mli yɛ Babilon, ni eto anɔkwa jamɔ ema shi ekoŋŋ yɛ Yerusalem lɛ nɔ.

Nehemia Wolo lɛ Hiɛkpamɔ

Nikasemɔi babaoo yɛ Biblia wolo ni ji Nehemia lɛ mli kɛhã anɔkwa jálɔi fɛɛ ni yɔɔ ŋmɛnɛ lɛ.

Ester Wolo lɛ Hiɛkpamɔ

Nibii komɛi ni tee nɔ yɛ Ester beiaŋ lɛ baahã hekɛnɔfɔɔ ni oyɔɔ akɛ Yehowa Nyɔŋmɔ baanyɛ ajie ewebii yɛ amanehului loo kai amli ŋmɛnɛ lɛ mli awa waa diɛŋtsɛ.

Hiob Wolo lɛ Hiɛkpamɔ

Mɛi fɛɛ ni sumɔɔ Nyɔŋmɔ lɛ kɛ kaa baakpe kɛ̃. Hiob sane lɛ hãa wɔnáa hekɛnɔfɔɔ akɛ, wɔbaanyɛ wɔye kai lɛ anɔ koni wɔfi Yehowa nɔyeli lɛ sɛɛ.

Lalai Awolo lɛ Hiɛkpamɔ

Lalai Awolo lɛ fiɔ jeŋ muu maŋtsɛ ni Yehowa ji lɛ sɛɛ. Eyeɔ ebuaa mɛi ni sumɔɔ Yehowa lɛ, ni eshɛjeɔ amɛmii. Ehãa anaa bɔ ni Yehowa baatsɔ e-Maŋtsɛyeli lɛ nɔ ekɛ miishɛɛ aba shikpɔŋ lɛ nɔ.

Abɛi Awolo Lɛ Hiɛkpamɔ

Vidio nɛɛ baaye ebua bo koni ona ŋaawoi ni jɛ Nyɔŋmɔ ŋɔɔ ni kɔɔ shihilɛ mli nɔ fɛɛ nɔ he​—kɛjɛ nitsumɔ mli saji anɔ aahu kɛyashi weku saji anɔ.

Jajelɔ Wolo Lɛ Hiɛkpamɔ

Maŋtsɛ Solomon tsɔɔ nibii titri ni he hiaa yɛ shihilɛ mli, kɛ bɔ ni nibii nɛɛ yɔɔ srɔto kwraa kɛ́ akɛto nibii ni teɔ shi woɔ nilee ni damɔ Biblia lɛ nɔ lɛ he.

Solomon Lala Wolo Lɛ Hiɛkpamɔ

Atsɛ suɔmɔ krɔŋŋ ni Shulam yoo lɛ yɔɔ kɛhã tookwɛlɔ lɛ akɛ “Yehowa lalilɛi.” Mɛni hewɔ?

Yesaia Wolo Lɛ Hiɛkpamɔ

Yesaia Wolo lɛ mli gbalɛi lɛ baa mli fitsofitso. Ewoɔ wɔhiɛnɔkamɔ akɛ Yehowa yeɔ eshiwoi anɔ, ni ehereɔ ewebii ayiwala lɛ mli hewalɛ.

Yeremia Wolo Lɛ Hiɛkpamɔ

Yeremia tee nɔ etsu nitsumɔ ni akɛwo edɛŋ lɛ, yɛ shihilɛi ni mli wala ni ekɛkpe lɛ fɛɛ sɛɛ. Kwɛmɔ bɔ ni Kristofoi baanyɛ aná enɔkwɛmɔnɔ lɛ he sɛɛ ŋmɛnɛ.

Yaafo Wolo Lɛ Hiɛkpamɔ

Gbalɔ Yeremia ŋma wolo nɛɛ; Yaafo wolo lɛ hãa anaa ŋkɔmɔ ni Yeremia ye yɛ Yerusalem hiɛkpatamɔ lɛ hewɔ, ni etsɔɔ bɔ ni tsuitsakemɔ hãa anáa Nyɔŋmɔ hiɛ duromɔ.

Ezekiel Wolo Lɛ Hiɛkpamɔ

Ekɔɔɔ he eko bɔ ni nitsumɔi ni Nyɔŋmɔ kɛwo Ezekiel dɛŋ lɛ wa hã lɛ, ekɛ heshibaa kɛ ekãa tsu. Nɔ ni efee nɛɛ ji nɔkwɛmɔnɔ kpakpa kɛhã wɔ ŋmɛnɛ.

Daniel Wolo Lɛ Hiɛkpamɔ

Daniel kɛ enanemɛi lɛ tee nɔ amɛye Yehowa anɔkwa yɛ shihilɛi fɛɛ amli. Wɔbaanyɛ wɔná amɛnɔkwɛmɔnɔ lɛ kɛ gbalɛ ni eba mli lɛ he sɛɛ yɛ naagbee gbii nɛɛ amli.

Hosea Wolo Lɛ Hiɛkpamɔ

Nikasemɔ babaoo ni he hiaa waa yɛ Hosea gbalɛ lɛ mli kɛhã wɔ. Etsɔɔ wɔ bɔ ni Yehowa naa efɔŋfeelɔi ni etsake amɛtsui lɛ mɔbɔ, kɛ bɔ ni Yehowa taoɔ ni wɔjá lɛ.

Yoel Wolo Lɛ Hiɛkpamɔ

Gbalɔ Yoel gba nibii ni baaya nɔ yɛ “Yehowa gbi” ni yɔɔ gbeyei lɛ nɔ, ni etsɔɔ nɔ ni esa akɛ afee kɛná yibaamɔ. Egbalɛ lɛ he ebahia waa ŋmɛnɛ fe bei fɛɛ ni eho.

Amos Wolo Lɛ Hiɛkpamɔ

Yehowa hã nuu heshibalɔ nɛɛ tsu nitsumɔ ko ni he hiaa waa. Mɛɛ nibii kpakpai wɔbaanyɛ wɔkase kɛjɛ nɔkwɛmɔnɔ ni Amos fee lɛ mli?

Obadia Wolo Lɛ Hiɛkpamɔ

No ji Hebri Ŋmalɛ lɛ mli wolo ni sɛɛ kɛɛɛ fe fɛɛ. Eji gbalɛ ni hãa anáa hiɛnɔkamɔ, ni etsɔɔ akɛ abaabu Yehowa nɔyeli lɛ bem.

Yona Wolo Lɛ Hiɛkpamɔ

Gbalɔ Yona kpɛlɛ ni ajaje lɛ, eyatsu nitsumɔ ni akɛwo edɛŋ lɛ, ni ekase nii waa yɛ Yehowa mɔbɔnalɛ kɛ suɔmɔ ni tsakeee lɛ he. Eniiashikpamɔi lɛ baata otsuiŋ waa.

Mika Wolo Lɛ Hiɛkpamɔ

Gbalɛ ni Nyɔŋmɔ hã agba nɛɛ baanyɛ awaje hiɛkɛnɔfɔɔ ni wɔyɔɔ akɛ nibii fɛɛ ni Yehowa biɔ ni wɔfee lɛ jeee nɔ ko ni wa tsɔ, ni wɔ diɛŋtsɛ wɔsɛɛnamɔ hewɔ ebiɔ.

Nahum Wolo Lɛ Hiɛkpamɔ

Gbalɛ lɛ hãa wɔnáa nɔmimaa akɛ Yehowa yeɔ ewiemɔ nɔ be fɛɛ be, ni no tsɔɔ akɛ ebaashɛje mɛi fɛɛ ni taoɔ toijɔlɛ kɛ yiwalaheremɔ yɛ e-Maŋtsɛyeli lɛ shishi lɛ amii.

Habakuk Wolo Lɛ Hiɛkpamɔ

Wɔbaanyɛ wɔná nɔmimaa akɛ be fɛɛ be lɛ, Yehowa le be ni hi kɛ gbɛ ni hi fe fɛɛ nɔ ni ebaatsɔ ehere ewebii lɛ ayiwala.

Zefania Wolo Lɛ Hiɛkpamɔ

Mɛni hewɔ esaaa akɛ wɔsusuɔ akɛ Yehowa kojomɔ gbi lɛ baŋ lɛ?

Hagai Wolo Lɛ Hiɛkpamɔ

Hagai gbalɛ lɛ hãa wɔnaa bɔ ni ehe hiaa ni wɔkɛ Nyɔŋmɔ jamɔ aye wɔ diɛŋtsɛ wɔhiamɔ nii ahiɛ.

Zakaria Wolo Lɛ Hiɛkpamɔ

Ninai kɛ gbalɛi babaoo ni jɛ mumɔŋ lɛ wo Nyɔŋmɔ webii ni hi shi yɛ blema lɛ hewalɛ. Nakai gbalɛi lɛ nɔŋŋ hãa wɔnáa nɔmimaa akɛ, Yehowa baaye abua wɔ ŋmɛnɛ.

Mateo Wolo lɛ Hiɛkpamɔ

Kɛ́ okwɛ vidio nɛɛ, obaale Biblia wolo nɛɛ he anɔkwa saji komɛi ni omii baashɛ ohe, eji Sanekpakpai ejwɛ lɛ ateŋ klɛŋklɛŋ nɔ.

Marko Wolo lɛ Hiɛkpamɔ

Marko wolo lɛ ji Sanekpakpai lɛ ateŋ nɔ ni sɛɛ kɛɛɛ, ehãa wɔleɔ bɔ ni Yesu baaye nɔ wɔ sɛɛ akɛ Nyɔŋmɔ Maŋtsɛyeli lɛ nɔ maŋtsɛ lɛ he saji komɛi.

Luka Wolo Lɛ Hiɛkpamɔ

Mɛɛ saji ni he hiaa waa Luka wolo lɛ pɛ bɔ he amaniɛ?

Yohane Wolo Lɛ Hiɛkpamɔ

Yohana wolo lɛ wieɔ suɔmɔ ni Yesu yɔɔ kɛhã adesai, heshibaa he nɔkwɛmɔnɔ ni efee, kɛ nibii ni kadiɔ lɛ akɛ Mesia​—ni ji Nyɔŋmɔ Maŋtsɛyeli lɛ nɔ Maŋtsɛ lɛ he.