Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Tsɔsemɔ Amɛ Ni Amɛya Nɔ Amɛsɔmɔ Yehowa

Tsɔsemɔ Amɛ Ni Amɛya Nɔ Amɛsɔmɔ Yehowa

Niiashikpamɔ tsɔɔ akɛ, kɛ́ atsɔse shiɛlɔi hei kɛjɛ shishijee nɔŋŋ koni amɛfɔ shiɛmɔyaa, ní amɛkɛ ekãa ashiɛ lɛ, bei pii lɛ amɛbatsɔmɔɔ shiɛlɔi ni he esa. (Abɛ 22:6; Fil 3:16) Naa gbɛi komɛi ni obaanyɛ otsɔ nɔ oye obua nikaselɔ ko ni enyɛ ekɛ ekãa aje shiɛmɔ shishi:

  • Kɛ́ akpɛlɛ o-Biblia mli nikaselɔ ko nɔ akɛ ebɔi shiɛmɔyaa nɔŋŋ lɛ, jee shishi obɔi lɛ tsɔsemɔ. (km 8/15 1) Hã ena nɔ hewɔ ni ehe miihia ni ekɛfee oti ni ma ehiɛ akɛ ebaaya shiɛmɔ daa otsi lɛ. (Fil 1:10) Wiemɔ shikpɔŋkuku lɛ he ekpakpa otsɔɔ lɛ. (Fil 4:8) Wo lɛ hewalɛ ni ekɛ kuu nɔkwɛlɔ lɛ kɛ shiɛlɔi krokomɛi aya shiɛmɔ koni ená amɛniiashikpamɔ lɛ he sɛɛ.​—Abɛ 1:5; km 10/12 6 kk. 3

  • Kɛ́ abaptisi mɔ ni okɛkaseɔ nii lɛ sɛɛ po lɛ, yaa nɔ owo lɛ hewalɛ ni otsɔse lɛ ni ehe asa yɛ shiɛmɔ nitsumɔ lɛ mli, titri lɛ kɛ́ egbeko “Nyɔŋmɔ Suɔmɔ” wolo lɛ naa.​—km 12/13 7

  • Kɛ́ okɛ shiɛlɔ hee ko miiya shiɛmɔ lɛ, hã oshiɛmɔ wiemɔ lɛ afee mlɛo. Kɛ́ ekɛ shiɛmɔ wiemɔ ko tsu nii lɛ, jiemɔ eyi. Okɛ ŋaawoi ni baahã ehe asa waa lɛ ahã lɛ.​—km 5/10 7