Shi kɛya he ni ato saneyitsei lɛ anaa yɛ lɛ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO SEPTEMBER 2016

 HII SHI AKƐ KRISTOFONYO

Kɛ́ Mɔ ni Ba Shinaa lɛ Naa lɛ Ji Gbekɛ

Kɛ́ Mɔ ni Ba Shinaa lɛ Naa lɛ Ji Gbekɛ

Kɛ́ mɔ ni ba shinaa lɛ naa lɛ ji gbekɛ lɛ, esa akɛ wɔbi ni wɔkɛ efɔlɔi awie. Enɛ tsɔɔ akɛ wɔyɛ bulɛ kɛhã amɛyitsoyeli hegbɛ lɛ. (Abɛ 6:20) Kɛ́ gbekɛ lɛ fɔ̃ wɔ nine akɛ wɔba mli lɛ, esaaa akɛ wɔyaa. Kɛ́ efɔlɔi bɛ shĩa lɛ, esa akɛ wɔku wɔsɛɛ wɔya jɛmɛ be kroko.

Kɛ́ ekolɛ gbekɛ lɛ eye aaafee afii 15 kɛmiimɔ afii 19 po lɛ, ebaafee nɔ ni sa akɛ wɔbaabi efɔlɔi ashi. Kɛ́ amɛbɛ lɛ, wɔbaanyɛ wɔbi lɛ kɛ́ efɔlɔi lɛ hãa lɛ diɛŋtsɛ ehalaa woji ni ebaasumɔ ni ekane. Kɛ́ ekɛɛ hɛɛ lɛ, wɔbaanyɛ wɔhã lɛ wolo ko, koni wɔgbala ejwɛŋmɔ kɛya jw.org lɛ nɔ.

Kɛ́ wɔku wɔsɛɛ wɔyasara oblanyo loo oblayoo ko ni ná wiemɔ lɛ he miishɛɛ lɛ, esa akɛ wɔhã ele akɛ wɔbaasumɔ ni wɔna efɔlɔi. Enɛ baahã wɔnyɛ wɔtsɔɔ amɛ yiŋtoo hewɔ ni wɔtee jɛmɛ lɛ, kɛ bɔ ni amɛbaanyɛ amɛkɛ amɛhe afɔ̃ ŋaawoo ni yɔɔ Biblia lɛ mli kɛhã wekui lɛ nɔ. (La 119:86, 138) Bulɛ kɛ mɔhesusumɔ kpo ni wɔbaajie wɔtsɔɔ fɔlɔi lɛ baafee odaseyeli ni sa kɛhã amɛ, ni ekolɛ no baahã wɔná hegbɛ ni wɔkɛ weku lɛ agba sane kpakpa lɛ.1Pe 2:12.