Tsɔɔmɔ bɔ ni obaasumɔ ni ona niŋmai lɛ oha

Halamɔ wiemɔ

Shi kɛya saneyitsei bibii lɛ anɔ

Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Ga

WƆSHIƐMƆ KƐ WƆSHIHILƐ AKƐ KRISTOFOI–KPEE NIFEEMƆ WOLO SEPTEMBER 2016

 HII SHI AKƐ KRISTOFONYO

Nibii ni Esaaa akɛ Ofeɔ kɛ́ Oofee Biblia mli Nikasemɔ

Nibii ni Esaaa akɛ Ofeɔ kɛ́ Oofee Biblia mli Nikasemɔ
EPUEMƆ
Mfoniri
Niŋmaa

Kaawie Pii: Kaanu he akɛ esa akɛ ogbala nɔ fɛɛ nɔ mli. Yesu kɛ sanebimɔi tsu nii kɛye ebua mɛi ní amɛsusu nii ahe, koni amɛmu sane naa yɛ gbɛ ni ja nɔ. (Mat 17:24-27) Sanebimɔi hãa nikasemɔ lɛ feɔ miishɛɛ, ni eyeɔ ebuaa bo ni onaa nɔ ni mɔ ni okɛkaseɔ nii lɛ nuɔ shishi kɛ nɔ ni eheɔ eyeɔ. (be 253 kk. 3-4) Kɛ́ oobi saji lɛ, too otsui shi ni omɛ kɛyashi ebaahã hetoo. Kɛ́ hetoo ni ehã lɛ ejaaa lɛ, nɔ najiaŋ ni obaatsɔɔ lɛ hetoo lɛ, okɛ sanebimɔi krokomɛi atsu nii kɛye obua lɛ ni ena hetoo lɛ. (be 238 kk. 1-2) Too otsui shi kɛwie, bɔ ni afee ni nikaselɔ lɛ anyɛ anu nibii hei ni otsɔɔ lɛ lɛ shishi.be 230 kk. 4.

Kaahã Nikasemɔ lɛ Fee nɔ ni Shishinumɔ Wa: Kaabɔ mɔdɛŋ akɛ obaawie nibii fɛɛ ni ole yɛ nɔ ni nyɛkaseɔ lɛ he. (Yoh 16:12) Wiemɔ otii ni yɔɔ nikasemɔ lɛ mli lɛ pɛ ahe. (be 226 kk. 4–227 kk. 1) Kɛ́ ogbala nibii amli babaoo, ni eji nɔ ni yɔɔ miishɛɛ po lɛ, ebaanyɛ ehã otii lɛ alaaje. (be 235 kk. 3) Kɛ́ nikaselɔ lɛ nu oti lɛ shishi nɔŋŋ lɛ, nyɛtsaa nɔ.

Nyɛkakasea Babaoo fe Nine: Oti ni ma wɔhiɛ ji, ni wɔshɛ mɔ lɛ tsui he, shi jeee nibii pii ni wɔkɛ lɛ baakase lɛ. (Luk 24:32) Okɛ hewalɛ ni Nyɔŋmɔ Wiemɔ lɛ yɔɔ lɛ atsu nii, kɛtsɔ ŋmalɛi titrii ni yɔɔ nikasemɔ lɛ mli ni obaahã nyɛkane lɛ nɔ. (2Ko 10:4; Heb 4:12; be 144 kk. 1-3) Okɛ nɔkwɛmɔnii ni shishinumɔ waa atsu nii. (be 245 kk. 2-4) Susumɔ nikaselɔ lɛ naagbai kɛ nibii ni eheɔ eyeɔ lɛ ahe, ni ohã nikasemɔ lɛ akɔ nomɛi ahe. Bi saji tamɔ: “Te onuɔ he tɛŋŋ yɛ nɔ ni okaseɔ lɛ he?” “Mɛni enɛ tsɔɔ wɔ yɛ Yehowa he?” “Kɛ́ okɛ ŋaawoo nɛɛ tsu nii lɛ, mɛɛ sɛɛ obaaná?”be 238 kk. 3-5; 259 kk. 2.