Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 HII SHI AKƐ KRISTOFONYO

Yehowa Sumɔɔ Mɛi Ni He Tse

Yehowa Sumɔɔ Mɛi Ni He Tse

Fɔlɔi pii tsɔɔ amɛbii bɔ ni amɛbaafee amɛhiɛ amɛhe falefale. Amɛkɛɔ amɛbii lɛ ni amɛfɔ amɛdɛ̃, amɛsaa amɛtsu mli, amɛbɛɛ, ni amɛyatsi jwɛi amɛshwie. Shi falefalefeemɔ he ŋaawoi nɛɛ fɛɛ jɛ wɔ-Nyɔŋmɔ ni yɔɔ krɔŋkrɔŋ lɛ ŋɔɔ. (2Mo 30:18-20; 5Mo 23:14; 2Ko 7:1) Kɛ́ wɔhiɛ wɔhe falefale ni wɔhã wɔnibii ahe tse lɛ, ewoɔ Yehowa hiɛ nyam. (1Pe 1:14-16) Ni wɔshĩai kɛ hei ni wɔnyiɛɔ lɛ hu? Kristofoi shɛrɛɛɛ jwɛi amɛshwieee henaabuamɔhei kɛ gbɛjegbɛi anɔ, moŋ lɛ, amɛfeɔ bɔ fɛɛ bɔ ni amɛbaanyɛ koni amɛhã shikpɔŋ lɛ nɔ atse. (La 115:16; Kpo 11:18) Bɔ ni wɔfeɔ wɔnii wɔhãa yɛ nibii bibii po amli, tamɔ bɔ ni wɔshɛrɛɔ tɔfi rɔbai, piɔ wɔta rɔbai, loo tsiŋ gɔm ni wɔta lɛ wɔshwieɔ lɛ, hãa anaa kɛji wɔhe tse loo wɔhe tseee. Wɔmiisumɔ ni ‘wɔjie wɔhe yi akɛ Nyɔŋmɔ sɔɔlɔi’ yɛ nɔ fɛɛ nɔ ni wɔfeɔ lɛ mli.​—2Ko 6:3, 4.

KWƐMƆ VIDIO NI JI, NYƆŊMƆ SUMƆƆ MƐI NI HE TSE LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

  • Mɛni mɛi komɛi kɛjieɔ amɛnaa akɛ no hewɔ ni amɛhãaa amɛnibii ahe atse lɛ?

  • Mɛɛ gbɛ nɔ Mose Mla lɛ hãa anaa bɔ ni Yehowa naa falefalefeemɔ ehãa?

  • Mɛɛ gbɛ nɔ wɔbaanyɛ wɔhã mɛi ajie Yehowa yi be mli ni wɔgbele ko wɔnaa po?

Mɛɛ gbɛ nɔ manyɛ matsɔɔ akɛ minaa falefalefeemɔ tamɔ bɔ ni Yehowa naa lɛ lɛ nɔŋŋ?