Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

 HII SHI AKƐ KRISTOFONYO

Suɔmɔ Akɛyɔseɔ Anɔkwa Kristofoi​—Kaafó Bo Pɛ Onɔ Mli, Ni Omli Akawo La

Suɔmɔ Akɛyɔseɔ Anɔkwa Kristofoi​—Kaafó Bo Pɛ Onɔ Mli, Ni Omli Akawo La

NƆ HEWƆ NI EHE HIAA: Yesu tsɔɔ akɛ, suɔmɔ akɛbaayɔse ekaselɔi lɛ. (Yoh 13:34, 35) Kɛ́ wɔmiitao wɔjie Kristo suɔmɔ lɛ eko kpo lɛ, esa akɛ wɔfó mɛi krokomɛi anɔ mli, ni wɔmli akawo la.​—1Ko 13:5.

BƆ NI OBAAFEE LƐ OHÃ:

  • Kɛ́ mɔ ko wie nɔ ko, loo efee nɔ ko ni gba onaa lɛ, mɛɛ ni ojwɛŋ nɔ ni hã efee nakai, kɛ nɔ ni baajɛ nɔ ni oto oyiŋ akɛ obaafee lɛ mli kɛba lɛ he.​—Abɛ 19:11

  • Kaimɔ akɛ wɔ fɛɛ wɔyeee emuuu, ni bei komɛi lɛ, wɔ hu wɔwieɔ loo wɔfeɔ nibii komɛi ni sɛɛ mli lɛ wɔshwaa wɔhe

  • Kɛ́ béi ba okɛ mɔ ko teŋ lɛ, tsu he nii oya nɔŋŋ

KWƐMƆ VIDIO NI JI, ‘NYƐSUMƆA NYƐHE’​—KAAFÓ BO PƐ ONƆ MLI, NI OMLI AKAWO LA LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ AHETOO:

  • Te Larry fee enii ehã tɛŋŋ be ni Tom kɛɛ amɛkpe lɛ?

  • Mɛɛ gbɛ nɔ bɔ ni Tom mɛ fioo ni esusu nii ahe lɛ ye ebua lɛ ni eye emlifu nɔ?

  • Mɛɛ gbɛ nɔ bɔ ni Tom wie kɛ naajɔlɛ lɛ jɔɔ saji ahe?

Kɛ́ awo wɔmli la ni wɔye wɔhe nɔ lɛ, mɛɛ gbɛ nɔ asafo lɛ náa he sɛɛ?