Shi kɛya he ni ato saneyitsei lɛ anaa yɛ lɛ

Shi kɛya he ni ato saneyitsei lɛ anaa yɛ lɛ

Yehowa Odasefoi

Halamɔ wiemɔ Ga

 HII SHI AKƐ KRISTOFONYO

Okɛ Owala Ajie Yehowa Yi!

Okɛ Owala Ajie Yehowa Yi!

Wala ji nikeenii ni jara wa. Bɔ ni wɔkɛ nikeenii nɛɛ tsuɔ nii daa gbi lɛ tsɔɔ bɔ ni wɔhiɛ sɔɔ nikeenii nɛɛ. Akɛ Yehowa Odasefoi lɛ, wɔbɔɔ mɔdɛŋ akɛ wɔkɛ wɔhesai kɛ wɔnyɛmɔi baatsu nii kɛwo Yehowa, ni ji Wala-Hãlɔ lɛ hiɛ nyam, ni wɔkɛjie eyi. (La 36:10; Kpo 4:11) Kɛ̃lɛ, ewaaa akɛ naagbai ni wɔkɛkpeɔ daa gbi yɛ jeŋ fɔŋ nɛɛ mli lɛ baanyɛ ahã wɔtsi mumɔŋ nibii wɔto afã. (Mar 4:18, 19) Ehi jogbaŋŋ akɛ wɔteŋ mɔ fɛɛ mɔ baabi ehe akɛ: ‘Ani mikɛ minii ni jara wa fe fɛɛ lɛ miihã Yehowa lɛɛlɛŋ? (Hos 14:3) Te miheloonaa nitsumɔ saa jamɔ ni mikɛhãa Yehowa lɛ he ehãa tɛŋŋ? Mɛɛ mumɔŋ otii mikɛmamɔ mihiɛ? Mɛɛ gbɛ nɔ manyɛ matsɔ malɛɛ misɔɔmɔ lɛ mli lolo?’ Kɛ́ ona akɛ esa akɛ oya ohiɛ lolo lɛ, sɔlemɔ ni Yehowa aye abua bo, ni ofee tsakemɔi ni sa lɛ. Ŋwanejee ko bɛ he akɛ, Yehowa yi ni wɔjieɔ daa gbi lɛ hãa wɔnáa miishɛɛ, ni wɔtsui nyɔɔ wɔmli!​—La 61:9.

Namɔ okɛ ohesai lɛ sɔmɔɔ?

KWƐMƆ VIDIO NI JI, OKƐ HESAI NI OYƆƆ LƐ ASƆMƆ YEHOWA LƐ, KONI NO SƐƐ LƐ OHÃ SANEBIMƆI NI NYIƐ SƐƐ LƐ AHETOO:

  • Mɛni hewɔ nilee bɛ mli akɛ okɛ hesai ni oyɔɔ lɛ baatsu nii kɛhã Satan je lɛ? (1Yo 2:17)

  • Mɛɛ jɔɔmɔi mɛi ni kɛ amɛnii ni jara wa fe fɛɛ lɛ hãa Yehowa lɛ náa?

  • Mɛɛ sɔɔmɔ krɔŋŋ lɛ fãi komɛi obaanyɛ okɛ ohesai kɛ onyɛmɔi atsu nii kɛye obua yɛ mli?